Kakorakoraaki n te Taeka
Rawetamnei iroun Josué A. Pena ao Gloria Hiatt
Kairake a kakoauai taai ngke koroboki aika tabu a reireiniia, a karaunanoia, ao ni kairiia.
Ti titirakiniia te roronrikirake bwa ana tuangiira te tai ngke koroboki aika tabu ake a tia ni kamatenanoa e a tia n rangin n ibuobuoki nakoia, n aron are e taekinna Unimwaane Richard G. Scott man te Kooram n Abotoro n te Tengaun ma Uoman n te maungatabu ni kabuta are e boo n Okitobwa 2011 (taraa te tiaitebwa). Aikai tabeua aia kaeka.
Te Rau nakon Tamneiu
Te Uea e tuanga te Burabeti Iotebwa Timiti bwa e na kaonaki tamneina n te rau. Ana kanganga ma karawawatakina a na riki n te tai ae uarereke (taraa D&C 121:7).
Te koroboki ae tabu are e a tia n anganai te kabanea ni karaunano inanon te ririki bon te Doctrine ao Covenants 121:7, ngke e kabureaki n te karabuuti i Liberty te Burabeti Iotebwa Timiti e tang n takarua nakon te Tama are i Karawa ibukin te ibuobuoki. I kamatenikuna te kibu aei inanon te tieminari ao n taekinna ngkana I kainnanoa te rau. E kauringai bwa Tamau are i Karawa e tangirai ao e atai kataakira. I a tia ni kabongana te kibu aei n au tai n rawawata. I a tia ni kabongana te kibu aei bwa e na uota te rau nakoiu n taai n aki raunnano ao ni mamaara.
E buokai te kibu aei ngke I mena n te party are e bitaki nakon te enwaeromente ae I ataia bwa n na riai n aki rin iai. I taetae n ae riai n tuangiia raoraou tiaki ngkana a tuangai bwa n na mooi ke ni moko. Te kibu aei e anganai te korakora ae I kainnanoia bwa n na tei ibukin au koaua.
E buokai naba te kibu aei ni karaoa te baaire ae rangin ni kanganga. Raoraou ao Ngai ti a tia n aki mamaenako inanon te maan ae nimaua te ririki. Ti uaia n takakaro, ni uaia n nako n neweaba, ao ni uaia n nakon taian takakaro ni katoa wiikiente. Ma e moanna n airiiri ma raoraona ni kawai ae I aki tangiria ni mwairiiri ma ngaia. N tokina e roko te iango irou bwa n na taua bwa raoraou ke n nim ma au koaua ni kaineti ma Tuan te Mauri ao tuan te itiaki. I rangin ni un. I aki ataia ae te tei ibukin te bwai ae I kakoaua e na kona ni kangaanga. Ma I rineia bwa n na karekeia raoraou aika boou, n teimatoa ni kawakinna n au iango ana berita te Tama are i Karawa nakon Iotebwa Timiti ae bwaai ni kabane ana bane n nakoraoi.
Akea te bwai ae e na kanakoraoa au kakoaua, ao I karekea te koaua ao te kukurei ae teimatoa ngke I rinea te eeti. E a tia te koroboki ae tabu aei ni kakorakora au kakoaua ao ni karekei ibuobuoki ngkana I kainnanoia.
Lauren J. ririki 16, Arkansas, USA
N Na Kakorakorai Mamaaraia
Namwakaina imwain te ukeuke ni karinrin ibukin te reirei ae rietata, I namakinna ae I tauraoi. I kakoaua bwa e na bon kanganga karaoana raoi. Ngaia ae I tanrikaaki nakon Tamau are i Karawa n te tataro. Ngke I tataro, a roko taeka aikai n au iango: “Ngkana a roko aomata nakoiu N na kaota nakoia mamaaraia. I anganiia aomata mamaaraia bwa aonga n nanorinano; ao e tau au akoi nakoia aomata ni kabane ake a kananorinanoia i matau, ma n onimakinai, ao ngkanne N na kakorakorai mamaaraia nakoia” (Ita 12:27).
I namakinna bwa ngke I tataro nakon te Tama are i Karawa ibukin te korakora ni kaitarai kakaewenako ao taian kataaki, E kakabwaiaai ao e buokai n tokanikai iaon mamaarau. Kaotan raraomau nakon te Uea bon te kabanea n nakoraoi ni baaire ae I kona ni karaoia. Ngaia te kabanea n nakoraoi n tia reirei, ao I ataia bwa E buokai.
Irvin O. ririki 16, El Salvador
Tataro n Tainako
Tataro n tainako, bwa ko aonga n riki bwa te tia tokanikai; eng, bwa ko aonga n tokanikai iaon Taatan ao ni kanakoi bain ana toro Taatan ake a boutoka ana mwakuri (taraa D&C 10:5).
Te kibu aei e buokai ni kaitarai kabwakabwaka. Ngkana N nang karaoa te mwakuri teuana ae I ataia bwa e bure, te kibu aei ma taekana a roko n au iango. Ni katoa tai ngkana I tataro imwiin karekean te wirikiriki anne, I karekea te ibuobuoki ae I kainnanoia n tokanikai iaon te kataaki are I kaitara ma ngaia.
Jesse F. ririki 17, Utah, USA
Nna Memena Iroumi
Bwaina te taotaonaki n nano inanon kangaanga, ibukina bwa a na mwaiti aika ti na karekei. Ti riai ni kaitarai, bukina bwa Nna memena Iroumi, riki nakon tokin ara bong (taraa D&C 24:8).
E a tia n riki kamatenikunakin te koroboki ae tabu aei bwa te kakabwaia ngkana I namakina te maaku ke te maroa. N taabo ake I uringa iai, I kaungaaki ao I namakina te marurung. Ngkai ngaira kairake n ataeinimwaane ao ataeinaine, ti kainnanoa te kairiiri ao te boutoka, riki ngkana ti kaitaraaki ma kataaki ao kakaewenako aika a matoatoa. E ngae ngke n tabetai taraakin taai aika ana roko aki koaua ke ni kaunganano, I ataia bwa I kona n onimaki iroun te Uea ao ni karekea Ana tangira ae kororaoi.
Ngke I uarereke, I reireinaki ni mweengau ao n te Buraimwarii bwa te Uea e na mena n taainako irou ngkana I karaoa tabeu. Ibukin taian reirei aikanne ao te koroboki ae tabu aei, I ataia bwa I kona n onimakinna n tainako.
Sofia I. ririki 15, Uruguay
Rawetamnei iroun Welden C. Andersen ao Christian Ibanez