Aumaia o le Peraimeri i le Fale
E Alofa le Tama Faalelagi ia te A’u, ma O Loo I Ai Sana Fuafuaga mo A’u
E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.
Sa sasala i le ea le manogi o kuki tao a o fesoasoani ia Natanielu ia Tinamatua e asu le paluga i luga o apa tao kuki. Sa ataata atu Tinamatua ia te ia. “O ai e alofa ia te oe?” na ia fesili ai.
Sa mafaufau Natanielu i le fai soo e Tinamatua o ituaiga kuki e sili ona fiafia i ai o ia ma teuina i taimi uma ni pepa aua na te iloaina e fiafia o ia [Natanielu] e tusitusi ata. Sa ia tali atu “o oe.”
Sa fai mai Tinamatua, “E sa’o, ua leva ona ou iloaina oe nai lo se isi lava tagata e ese mai i lou tina ma lou tama. Ae o loo i ai le isi tagata ua leva atu ona ia iloaina oe nai lo a’u.”
“O ai le isi?” o le fesili lea a Natanielu.
“O le tagata sa alofa ia te oe ae e te le’i sau i le lalolagi,” o le tala lea a Tinamatua.
“Oi,” na fai atu ai Natanielu. “O le uiga o lau tala o Tama Faalelagi.”
“Ioe,” sa fai atu ai Tinamatua, ma tago fusi mai Natanielu.
Sa ataata o ia. O le iloaina sa alofaina o ia sa lagonaina ai le mafanafana o totonu [o lona loto].
O le tausaga lenei i le taimi o fetufaaiga, o le a e aoao atili ai e uiga i le upumoni matagofie o oe o se atalii/afafine o le Atua. E silafia ma e alofa le Tama Faalelagi ia te oe. O loo i ai sa Na fuafuaga e fesoasoani e te toe foi atu ai i se aso e nonofo faatasi ma Ia.
Ata na tusia e Becky Fawson; tauagavale: ata faaopoopo pito i totonu na saunia e Phyllis Luch