Faaaoga e le Ekalesia le Mataupu Aoaoina Fou mo le Autalavou i le 2013

E amata atu i le masina lenei, o le a amata ai e faiaogaJanuary ma taitai i le Ekalesia aoao ona faaaoga atoa le mataupu aoaoina fou a le autalavou, Sau, Mulimuli Mai Ia te A’u: Punaoa e Aoao ai mo le Autalavou, sa muai faasilasilaina mai i se tusi a le Au Peresitene Sili ia Setema.

I le lds.org/youth/learn, e mafai ai e faiaoga ma taitai o Tamaitai Talavou, Perisitua Arona, ma le Aoga Sa ona maua ia lesona i gagana e 23. O lesona uma lava e mafai ona lolomiina. O i latou e le mauaina le Initoneti e tatau ona faafesootai o latou taitai perisitua i le lotoifale e iloa ai pe mafai faapefea ona faaaogaina le Sau, Mulimuli Mai Ia te A’u i o latou eria.

“O le mataupu aoaoina fou ua tuufaatasi ai aoaoga faavae autu o le talalelei faapea ma mataupu faavae mo le aoaoina atu i le ala a le Faaola,” o le tusi lea a le Au Peresitene Sili. Ua i ai lo matou talitonuga o le a faamanuiaina e mataupu aoaoina fou le autalavou ia latou taumafaiga ina ia liua atoatoa i le talalelei a Iesu Keriso.

I le Sau, Mulimuli Mai Ia te A’u, ua tofu masina taitasi o le tausaga ma se autu o se aoaoga faavae, ma o vasega uma o le Aoga Sa, Tamaitai Talavou, ma le Perisitua Arona o le a aoaoina lena autu i lena masina.

O lesona taitasi e i ai ni vasega tai fa: tapenapenaga faaleagaga mo faiaoga, manatu e faailoa atu ai le autu, manatu patino mo gaoioiga, ma se vaega e valaaulia ai le autalavou e faatino. Ua talosagaina faiaoga e saili musumusuga i le filifilia ma le fetuunaiga o lesona e faavae i manaoga o o latou tagata aooga.

O le uepi saite o loo aofia ai foi ni vitio aoga e faamalamalama ai le auala e faaaoga ai nei mataupu aoaoina fou, manatu mo le tapenaina o gaoioiga e aoao ai, ma se tusitaiala fou, Aoao Atu o le Talalelei i le Ala a le Faaola.

CAPTION:

Credit