Iesu Keriso ma le Uluai Faaaliga

O Le Uluai Faaaliga—ina ua vaai Iosefa Samita i le Tama Faalelagi ma Iesu Keriso—o le amataga lea o le toe foi mai o le Ekalesia a Iesu Keriso i le lalolagi.

Sa aoaoina e Iosefa Samita mai le Uluai Faaaliga o le Tama Faalelagi ma Iesu Keriso o ni tagata eseese e toalua.

O le tasi lea o taimi e tolu o loo tusia i tusitusiga paia e faapea na faailoa mai ai e le Tama Faalelagi ia Lona Alo, o Iesu Keriso (tagai i le Iosefa Samita—Talafaasolopito 1:17). O isi taimi o le taimi na asiasi atu ai le Faaola i sa Nifae ma le taimi na papatisoina ai o Ia (tagai i le 3 Nifae 11:7; Mataio 3:17).