O La Tatou Itulau

O Carolina L., 11 tausaga, mai Venesula, sa ola ae i Le Ekalesia a Iesu Keriso o le Au Paia o Aso e Gata Ai ma sa manao lava e alu i le Malumalu o Caracas Venesuela. Ia Mati 2012 sa asiasi atu ai o ia i le malumalu mo le taimi muamua lava. Sa ia lagonaina ai le fiafia tele.

E i ai so’u aiga e sili ona faapitoa. O le lotu e ono itula le mamao mai ia i matou, ae matou te o i ai pe a mafai ona matou o. E faamanuia e lo’u tama le faamanatuga mo i matou i Aso Sa uma lava, ae e faiaoga lo’u tina ia te a’u i le Peraimeri. E tasi i le tausaga ona matou o i le Malumalu o Recife Pasila. O le a ou alu i se misiona pe a oo i lo’u matua e talafeagai ai. Ou te suesue i tusitusiga paia ma tatalo i aso uma. Ou te taumafai e faafiafia le Tama Faalelagi e ala i le avea o a’u ma se tama lelei. Ou te alofa tele i le talalelei.

Kevin L., 8 tausaga, Pasila

Ina ua ou alu i le malumalu, sa malie ma manaia lo matou taimi faatasi ma lo’u tama ma lo’u uso o Ryan, a o o lo’u tina ma ana uo i le sauniga. Sa matuai o’u faaaloalo lava a o o’u i ai i totonu o le potu faatalitali o le malumalu. Sa ou fiafia i lo’u i ai i totonu o le maota o le Tama Faalelagi ma lagona Lona alofa ma Lona agalelei e ala i le Agaga. Ou te fiafia i le maota o le Alii.

Jorge M., 6 tausaga, Costa Rica

Ma te fiafia lava ma lo’u uso laitiiti o Omega, e vaai i le malumalu. A asiasi le matou uarota i le Malumalu o Monterrey Mekisiko, matou te o ese i le vaeluapo ma malaga mo le ono itula ina ia oo iina. Ou te iloa o le malumalu o le nofoaga lea e mafai ona faavavau ai aiga. E le o toe umi ae matou siitia i Tuxtla Gutiérrez. E i ai se malumalu iina, ma o le a mafai ona matou asiasi i ai e le aunoa. Ou te faafetai mo malumalu.

Helem N., 4 tausaga, Mekisiko

Solene S., 6 tausaga, Pasila

O le ata tusi lenei o le Malumalu o Asunción Parakuei. Ua ou fiafia lava aua e le o toe umi ae faamauina i matou o se aiga e faavavau. Ou te faafetai i le Tama Faalelagi mo le aumaia o se aiga mo a’u.

Angelo N., 5 tausaga, Parakuei

Ina ua ou ulufale i le Malumalu o W Quetzaltenango Kuatemala, sa ou lagonaina le filemu tele. I le taimi o le faapaiaga, sa matuai ou fiafia lava. Sa loloto le oo ifo o tautalaga i lo’u loto.

Juan G., 11 tausaga, Kuatemala