I le Aoao o le Ekalesia

Lona Ono o Aso o Auaunaga Faaletausaga i Aferika

O le Aso Toonai, 18 o Aokuso, 2012, sa vaaia ai le faitau afe o le Au Paia i le silia ma le ono o atunuu Aferika na faapotopoto i o latou lotoifale e auai i le lona ono o faatinoga faaletausaga o le Aso o Mamona Lima Fesoasoani i Aferika Atoa.

“Sa matuai o atu uarota ma paranesi e tuuina atu auaunaga taua,” na tusia ai e le faamisiona o le va i fafo o Elder C. Terry Warner i se imeli. “Sa latou sailia mai ni paaga; sa latou filifilia galuega faatino ia, e ui ina faigata, ae sa matuai taua. Sa latou o i ni vaega toatele ma le naunau e fesoasoani, ma sa latou faia moni lava ni uo mo le Ekalesia.”

Fai mai Elder Adesina J. Olukanni, faatonu o le va i fafo mo le Eria o Aferika i Sisifo, e uiga i le aso o auaunaga, “O le auala aupito faigofie lea e mafai ona matou tali atu ai i le valaau a le perofeta ina ia agalelei atu i o tatou tuaoi, ia tali atu i o latou manaoga, ia foai atu nai lo o le maua mai. O se auala aupito faigofie e talai atu ai le talalelei—e ala i faataitaiga.”

Ua Maua Nei le Mormon.org i Gagana e 20

Ua maua nei leMormon.org i le gagana Aramenia, Sepuano, Saina, Take, Igilisi, Farani, Siamani, Initonesia, Italia, Sapani, Kora, Lativia, Polani, Potukale, Rusia, Sipaniolo, Suetena, Takaloka, Tai, ma Iurukueini.

Ua uunaia tagata taitoatasi e fatu a latou lava lautusi patino i le Mormon.org i a latou lava gagana e fiafia i ai ma faasoa atu i isi.

A o auai i le galuega faatino o Mamona Lima Fesoasoani i Aferika, sa tuuina atu ai e tagata o le Ekalesia ni auaunaga taua, fausia ni sootaga faaletapuaiga, faatupuina le silafia e uiga i le Ekalesia, ma atinae a latou molimau i le alofa mama.

Ata na saunia e TJ Thomas