Manatu mo Afiafi Faaleaiga

O lenei lomiga e aofia ai tusiga ma gaoioiga e mafai ona faaaoga mo afiafi faaleaiga. O nisi nei o faataitaiga.

“O Le Migao i le Atua o le Amataga lea o le Poto,” itulau e 20: Mafaufau e talanoa i le poto o le lalolagi e faatusa i le poto o le Atua. Atonu e te manao e faitau le 2 Nifae 9:28–29 ma mafaufau i tulaga e eseese ai le poto o le lalolagi ma le poto e aoaoina e le talalelei. Filifili po o le fea itu o le a e faaaogaina i tulaga taitasi.

“Autu a le Mutuale 2013,” itulau e 50: Faitau tusiga na saunia e Elaine S. Dalton ma David L. Beck i le autu o le Mutuale i le 2013. Mafaufau e palepalealuga ni auala e mafai ai e tagata taitoatasi o le aiga ona fesoasoani e fai le aiga o se nofoaga paia. Atonu e te manao e faaali se ata o le malumalu i lou aiga ma faatu se sini ia o atu o se aiga i le malumalu.

“Aoao Pea [le Taina o le Piano],” itulau e 56: Mafaufau e fai se faaaliga taleni a le aiga. Ia fautuaina ia o mai saunia tagata taitoatasi o le aiga e faasoa mai se tomai po o se faafiafiaga. A uma lea ona faitau lea o le tusiga “Aoao Pea [le Taina o le Piano]” ma talanoa pe faapefea ona faamanuia i latou e siomia i tatou i le aoaoina ma le faasoaina atu o taleni.

“Molimau a Evelina i le Malumalu,” itulau e 70: Mafaufau e fatu se suega meaaoga o le “molimau a le aiga”. Tuu ni ata i le potu ma tuu atu i tagata o le aiga e ao mai ata latou te talitonu i ai (mo se faataitaiga: ata o lou aiga, o le malumalu, Peresitene Thomas S. Monson, papatisoga, o se lisiti sefuluai, talavou o loo fai faalelei ona lavalava). Faaiu i le talanoaina pe aisea e te talitonu ai i ia mea taitasi.

Lesona i le Pogisa

I se tasi aso ia Oketopa na fai mai ai le ma tama teine o Iulia, o lē sa masani ona lelava soo, “E le’i faia lava se tatou afiafi faaleaiga i le pogisa. E mafai ona tatou faia, faamolemole?” Sa ma mafaufau pe o le a faapefea ma po o le a foi se mea e mafai ona ma aoaoina ai o ia i le pogisa.

Sa tape uma loa moli, ma sa siomia i matou i le pouliuli atoa. Ona susue lea e lo’u toalua lana telefoni feaveai ma ata ona o loo aoao mai e uiga i le Malamalama o Keriso. Sa ia faaalia le ala e mafai ai e le Malamalama o Keriso ona aveese mai i tatou mai le pouliuli ma toe taitai atu ai i matou o se aiga ia te Ia. Sa tau le susulu le malamalama mai le telefoni, ae sa lava lea e mafai ai ona matou vaai.

A o faasolo ina otometi le pe o le telefoni, sa mafai ona ma faaali atu i le ma tama teine le mea e oo i ai o matou olaga pe a aunoa ma le Faaola, o Iesu Keriso. Sa malosi lava le Agaga, ma sa matuai fifilemu lelei lo ma afafine. E oo mai lava i le taimi nei o loo ia manatuaina lava le matou afiafi faaleaiga e sili ona fiafia i ai ma le savali na aoaoina ai.

Valquíria Lima dos Santos, Pasila