Faatusatusaga: Liua Moni

O nisi o autu e sili ona taua o loo talanoaina e le silia ma le toatasi le failauga i le konafesi aoao. O mea ia na saunoa i ai failauga e toafa e uiga i le liua moni. Taumafai e vaavaai mo isi aoaoga e tutusa a o e suesueina saunoaga o le konafesi.

“O le liua moni … e aofia ai se tautinoga maua’i e avea ma soo o Keriso.”¹ —Elder David A. Bednar o le Korama a Aposetolo e Toasefululua
“I le papatisoga tatou te folafola atu ai e tauave i o tatou luga ‘le suafa o [Iesu] Keriso, ma maua [le] naunautaiga e auauna atu ia te ia e oo i le iuga.’ [Moronae 6:3; faaopoopo le faamamafa.] O sea feagaiga e manaomia ai se taumafaiga lototele, tuuto, ma le amiosao.”² —Elder Quentin L. Cook o le Korama a Aposetolo e Toasefululua.
“O i tatou o soo o lo tatou Faaola, o Iesu Keriso. O lena liua ma le mautinoa, o le taunuuga lena o taumafaiga maelega ma le fuafuaina lelei. O le tagata lava ia. O le faagasologa i le olaga atoa.”³ —Ann M. Dibb, fesoasoani lua i le au peresitene aoao o Tamaitai Talavou.
“Ua na o a tatou molimau lava o le a matua iloa sili ai mea o loo i o tatou mafaufau ma faalolotoina ai i o tatou loto, o le a avea ai lo tatou naunautaiga e alolofa atu ma auauna atu e faapei o le alofa o le Faaola.”⁴ —Elder M. Russell Ballard o le Korama a Aposetolo e Toasefululua