Bae Mi Serem Gospel wetem Evri Pikinini blong God

Yu bin kakae wan samting we i naes tumas mo we yu wantem blong serem? Profet Lihae i bin drim wan taem se hem i bin stap kakae wan pis blong wan frut we i naes tumas. Tes blong hem i naes tumas we i “fulumap sol blong [hem] weten bigfala glad we i bigwan tumas.” (1 Nfae 8:12). Lihae i bin wantem famle blong hem blong kakae lnaesfala frut ia tu.

Frut ia long drim blong Lihae i olsem lav blong Papa long Heven. Lihae i bin wantem famle blong hem i filim lav blong Papa long Heven. Hem i bin wantem blong serem gospel ia wetem olgeta from hem i bin save se bae i mekem olgeta i glad.

Ol pikinini oltaem oli mekem gud tumas blong serem gospel wetem ol narafala man.

Maria we i gat eit yia, i bin luk ol misinari long ol rod blong Ekwado. Hem i askem olgeta sapos oli save tijim gospel long hem. Ol misinari i bin kam long hom blong Maria blong tijim famle blong hem. Maria i bin faswan long famle blong hem blong kasem baptaes. Hem i bin glad tumas taem ful famle blong hem i joen tu long Jos afta.

Erik we i gat naen yia i bin glad tumas abaot Praemeri sakramen miting presentesen we i mekem se hem i invaetem ol neiba blong hem blong kam. Oli bin kam.

Tugeta tufala pikinini ia i bin serem wan speselm samting wetem ol pipol we tufala i lavem. Taem yu serem gospel, testemoni blong yu bae i gro. Olsem Lihae, bae yu filim “bigfala glad ia we i bigwan tumas.”

Lef: pikja i kam long Mak Jaman; long raet, folem fasin blong klok stat antap long lef: ol pikja we i kam long Jim Madsen, Jared Bekstran, Erik Baklei, mo Selest Smit