Pej blong Yumi
Papa mo Mama blong mi i bin tijim mi gospel mo oli bin ol gud eksampol long mi stat long taem we mi bin smol. Mi bin lanem blong ridim ol skripja stori blong ol pikinini, mo naoia mi lavem Buk blong Momon. Mi bin ridim evri dei, miwan mo wetem famle blong mi. Amon i man we mi laekem tumas insaed long Buk blong Momon. Hem i bin wan gudfala misinari, mo hemia nao wanem mi wantem blong kam taem mi kam bigwan.
Esteban M., 8 yia, Kolombia
Taem famle blong mi i bin go spel long Panama, kantri blong mama blong mi, papa mo mama blong mi i bin tekem smol sista blong mi, Yoalibet, mo mi i go blong visitim Panama Siti, Panama Tempol. Mama blong mitufala i karem mitufala blong tajem wol blong tempol. Afta, taem mi bin talem long mama olsem wanem mi bin filim glad taem we mifala i bin stap long tempol, hem i bin talem long mi se mi bin filim Tabu Spirit.
Serjio B. Junia, 7 yia, Florida, YSA
Pasa Z., 9 yia, Ukrein
Taem we Letisia C., 6 yia, i bin gat 3 yia, taem we wok blong bildim Kuritiba Bresil Tempol i fins. Hem i laekem tumas blong go long tempol, mo go evri dei blong las wik blong openhaos. Hem i laekem tumas yet blong visitim tempol mo wokbaot tru ol naesfala garen. Letisia i laekem tumas tu blong dro mo swim.
Praemeri: Folem Jisas
Morisio D., 11 yia, hem i laekem sakramen miting from hem i lanem abaot Papa long Heven mo Jisas Kraes. Hem i laekem blong go long jos from hem i save gat gud taem mo hem i intresting mo i naes tumas. Hem i glad tumas long Jos mo gat plante fren.
Taem mifala i stap rere blong graonbreking blong Tijuana Meksiko Tempol i tekem ples, mifala i bin glad tumas. Mifala i bin go olsem wan famle blong givim seves. Mifala i klinim ples we tempol i stap long hem. Mi save se Lod bae i visitim haos blong Hem taem bae i finis.
Jisas S., 6 yia, Meksiko
Stap stadi ol skripja i helpem mi blong jusum raet.
“Ol Gol Plet,” i kam long P. Tuyet Hoa, 10 yia, Kambodia
Mi jusum raet taem mi folem Papa long Heven mo Jisas Kraes.
N. Ti Linda, 8 yia, Kambodia
Pat we mi laekem tumas long Buk blong Momon, hem i storian blong Nifae mo wokbaot blong olgeta we i oli krosem ol solwora.
Keli C., 10 yia, Filipin
Yumi nid blong sil long tempol, blong yumi save stap olsem wan famle blong oltaem.
Sana C., 8 yia, Filipin
Mi laekem blong go long jos wetem famle blong mi mo lanem abaot Jisas Kraes. Long hom, mi laekem blong rid mo lanem ol skripja stori, singsing ol hym, mo pleplei ol gem long taem blong famle haos naet. Gospel i blesem famle blong mi mo mekem mi filim glad. Mi bin givim finis wan Buk blong Momon long tri skultija mo long bes fren blong mi, Migel. Praemeri singsing we mi laekem tumas hem i “We’ll Bring the World His Truth” [Bae Yumi Karem Trutok blong Hem I Kam long Wol] (Children’s Songbook, 172 long Inglis).
Martim P., 6 yia, Potugal
Henrike S., 7 yia, Brasil