Blong Ol Yang Pikinini
Jisas I Blesem Ol Pikinini blong Ol Man blong Nifae
Long Mak 10:13–16
Plante man i bin kam tugeta raon long Jisas. Oli wantem blong harem Hem i talem ol stori. Oli wantem blong harem Hem i tij abaot heven.
Taem ol pipol oli sik, Jisas i bin hilim olgeta. Hem i bin hilim ol man we oli no save lukluk. Hem i bin hilim ol man we oli no save harem samting.
Wan dei sam man i bin karem ol smol pikinini i kam blong luk Jisas. Oli binwantem Hem blong givim wan blesing long ol pikinini blong olgeta. Ol disaepol blong Jisas i bin talem ol man blong no stap distebem Jisas. Oli i bin ting se hem i bisi tumas.
Jisas i no bin bisi tumas. Hem i bin talem long ol disaepol blong lego ol pikinini i kam long Hem. Hem i talem se kingdom blong heven i blong ol man we oli olsem ol smol pikinini.
Jisas i lavem evri pikinini. I nomata yu huia, yu luk olsem wanem, o yu stap wea. !Jisas i lavem yu!
Ol pikja i kam long Sona J. C. Teni