Ol Memba I Save Askem Prishud Laen blong Atoriti

I Kam long Raean Mogeneg

Jos Nius

Jos i save givim naoia infomesen blong prishud laen blong atoriti olsem wan seves long ol memba taem oli askem. Prishud laen blong atoriti i wan oda blong wok blong ol odinesen we yu save folem i gobak long taem we Jos i bin stat long hem mo i gobak stret long Sevya.

Nomata we wan man we i kasem prishud we i stap long ofis blong Seventi i save stap insaed long wan prishud laen blong atoriti blong wan memba, i nogat wan laen we i defren bakegen we i blong ofis blong Seventi nomo. Mo tu, prishud laen blong atoriti blong ol bisop mo ol petriak, oli folem i gobak tru long hae pris odinesen blong olgeta.

Oli save askem long Jos infomesen abaot ol Melkesedek Prishud laen blong atoriti nomo; Ol laen blong Aronik Prishud, oli no givim. Ol memba oli save askem infomesen blong Melkesedek laen blong atoriti blong olgetawan nomo, blong wan pikinini we i stap long hom, o blong wan yang misinari we i stap long seves long misin. Ol infomesen ia oli no ol ofisol rekod blong Jos.

Sapos yu wantem blong askem prishud laen blong atoriti blong yu, putum ful nem blong yu, deit we yu bon, membasip rekod namba (we i stap long wan tempol rekomen o askem long wod klak blong yu), nem blong man we i bin odenem yu long ofis blong elda o hae pris (sapos yu save), mo adres we bae oli sendem i kam long yu mo telefon namba blong yu o imel adres blong yu.

Sendem rikwes blong yu i go long:

Priesthood Line of Authority

Global Service Center

120 North 200 West

Salt Lake City, Utah 84103-1514, USA

Fax: 1-801-240-6816

Telephone: 1-800-453-3860, extension 2-3500

Imel: Sendem wan imel i go long lineofauthority@ldschurch.org wetem “PLA” olsem taetol. Bae oli sendem wan fom blong yu fulumap i kambak, mo afta yu sendem i gobak (bae i gat wan otomatik ansa long eni mesej we taetol hem i “PLA”).

Prishud laen blong atoriti blong olgeta we oli stap mekem wok blong ol odinens, oli save folem i gobak long Sevya.