Helt long saed blong Bodi mo long saed blong Filing

Long sam yut, taem oli mestem blong yusum ol prinsipol blong stap fit long saed blong bodi, i save stap olsem wan samting we i blokem olgeta blong gat ol fren mo bildimap tras long olgetawan. Antap long hemia, helt long saed blong bodi, mo long saed blong filing oli impoten tumas, be plante taem, oli ol poen we oli no lukluk long olgeta tumas blong rere blong go long wan misin. Long ol pej 52–53 blong magasin ia, Elda Adrian Okoa blong olgeta Seventi i tokbaot olsem wanem we taem yumi tekem kea long bodi blong yumi i save mekem se yumi gat gud helt long saed blong bodi mo filing. Hem i stap mekem yumi tingbaot se yumi mas mekem spot mo yumi mas obei long Tok blong Waes (luk long D&C 89) blong mekem yumi moa helti mo moa hapi. Taem yufala i stap helpem ol pikinini blong yufala blong lanem mo yusum ol prinsipol blong gud helt long saed blong bodi mo filing, bae oli save kam antap long fasin blong olgeta blong trastem olgetawan mo rere blong givim wan fiuja seves.

Elda Okoa i talem: “Taem yu tekem kea long bodi blong yu, i blesem maen blong yu mo i helpem yu blong tingbaot se yu wan pikinini blong God, mo yu save trastem yuwan mo stap hapi. Laef blong yumi long saed blong filing, long saed blong bodi, mo long saed blong spirit oli joen tugeta.”

Sam Tingting blong Tijim Ol Yut

Ridim stori blong Elda Okoa tugeta mo developem wan famle spot plan wetem ol stret, ril gol blong stap fit.
Wetem ol yangfala pikinini blong yu, ridim pat ia long saed blong helt long saed blong bodi mo long saed blong filing we i stap long smol buk Blong Ol Yut Oli Kam Strong (ol pej 25–27). Toktok raon long wanem nao i rili minim blong stap helti long saed blong filing.
Singsing “Though Deepening Trials” (Hymns, no. 122) tugeta mo toktok raon long wanem nao laef bakegen long ded i tijim yumi long saed blong olsem wanem bodi blong yumi blong mit mo bun i impoten tumas.
Stadi long ol skripja we oli listimdaon wetem stori ia mo toktok raon long wanem oli stap tijim abaot helt long saed blong bodi mo filing.

Sam Tingting blong Tijim Ol Pikinini

Soem wan pikja blong tempol long pikinini blong yu. Toktok raon long wanem nao i minim taem Aposol Pol i tijim se bodi blong yumi i “haos blong Tabu Spirit” (Fas Korin 6:19) mo olsem wanem save ia i save helpem yumi blong tekem kea long bodi mo tingting blong yumi.
Mekem wan lis blong ol gudfala pleiplei aktiviti we pikinini blong yu i wantem mekem olsem wan famle. Afta, krietem wan plan long olsem wanem blong mekem ol aktiviti ia oli pat blong wan famle laef.
Toktok raon long sam wei blong andastanem mo lukaotem ol filing, we i tekem tu kros mo fasin blong harem nogud. Singsing “If You’re Happy” (Children’s Songbook, 266), “Mi Traem blong Kam Olsem Jisas” (Liahona, Epril 2012, 64), o wan nara singsing abaot ol filing mo fasin blong mekem ol gudfala joes.

Pikja i kam long Taia Moli