Folem rod
Blong Stap Wet long Winta Kwota
Wan Niufala Siti
Afta we Profet Josef Smit i bin ded, Nauvu, Ilinois, i bin kam wan denjeres ples. Ol Sent oli bin ronwe long ol hom blong olgeta blong faenem wan ples we i moa sef blong stap long hem. Long Febwari 1846, ol fas grup blong ol Sent oli bin statem wokbaot blong olgeta i go long wes, be rabis weta mo siknes i bin mekem se oli slo. Long taem we oli kam blong krosem Iowa, hem i bin let long yia ia blong go kasem Roki Maonten bifo winta (kolkol taem). Mekem se ol lida blong Jos oli bin jusum wan ples we Ol Sent i save stap long hem long taem blong winta ia. Mo oli singaotem ples ia Winta Kwota.
Stap Wok Tugeta
Sam man i bin bildim ol hom wetem ol wud o gras. Ol narawan oli stap long ol tenet mo ol hol blong ston. Ol Sent oli bin traem blong stap hapi long taem blong longfala kolkol winta ia. Oli bin helpem olgeta wanwan. Oli bin go long ol konset mo singsing mo danis. Oli bin bildim wan ples blong mekem flaoa, wan taon hol, mo wan faktri blong mekem basket.
Stap Muv I Go
Taem ia we ol Sent i bin spendem long Winta Kwota i bin had tumas. Plante man i bin ded. Be ol paeonea oli bin gat fet se Lod bae i blesem olgeta mo helpem olgeta blong save mekem go kasem Saeon. Taem spring (stat blong hot taem) i kam, fas grup blong ol paeonea i bin aot long Winta Kwota blong wokbaot i go long Sol Lek Vale.
Tedei yu save luk naesfala Winta Kwanta long Nebraska Tempol mo visitim Senta blong Ol Momon mo Wokbaot blong olgeta long Winta Kwata blong lanem moa abaot ol paeonea.
Pikja we i stap insaed long Momom Treil Senta long Winta Kwota i mekem bakegen wan kamp blong Iowa Wokbaot, taem Wiliam Kleiton i bin raetem hym ia “Kam Kam Ol Sent” (Hym, namba 30 long Inglis Hym).
Long Momom Treil Senta, yu save luk ol defren kaen saplae we ol Sent we oli bin tekem mo folem rod i go long wes. Ol lida blong jos i bin talem long olgeta blong tekem flaoa blong mekem bred, ol spaes, raes, ol bin, mo ol buluk we i givim melek.
Sam long ol Sent i bin bildim ol wud haos blong stap insaed long hem taem oli bin stap long Winta Kwota.
The Saints Crossing the Mississippi, i kam long Grant Romni Kloson © IRI; ol foto we i kam long Jenifa Madi mo Welden C.Andesen
Rod blong wokbaot blong Iowa
Iowa
Nauvu
Winta Kwota