Sam Tingting blong Famle Haos Naet

Magasin ia i gat ol stori mo ol aktiviti we oli save yusum long famle haos naet. Wanem i kam afta, hem i tu tingting blong yusum.

“Blong Kam Wan Misinari blong Prijim Gospel blong Mi,” pej 46: Tingting blong toktok raon olsem wan famle long ol faef stamba samting blong Prijim Gospel blong mi. Afta traem blong praktisim olgeta prinsipol ia. Yu save go tru long seksen blong Prijim Gospel blong mi tugeta mo givim ol nara memba blong famle ol janis blong praktis tijim ol pat blong ol lesen blong ol misinari taem ol nara memba blong famle i stap aktem olsem olgeta i ol investigeta. Yu save tokbaot ol jalenj blong misinari wok mo tingting long ol wei blong developem ol fasin ia we Elda Deved A. Bedna I tokbaot.

“Stap strong, Stap helti, Stap smat,” pej 52: Afta we yu gotru long toktok blong Elda Adrian Okoa, lukluk blong planem wan aktiviti blong mekem famle blong yu oli save aktiv tugeta long saed blong bodi. Yu save pleplei wan sotfala gem o wokbaot. Mekem sua blong mekem aktiviti ia I stret long olgeta olfala mo paoa blong wanwan famle memba (yu save askem ol bigfala pikinini blong helpem ol smol pikinini blong finisim aktiviti, eksampol). Afta long aktiviti blong yufala, tokbaot olsem wan famle ol samting we bae i save help long saed blong stap aktiv long saed blong bodi. Yu save planem ol wei tu blong gohed blong wok olsem wan famle blong folem kaonsel blong profet blong yumi we i stap laef blong lukaot gud long bodi blong yumi.

Long Lanwis blong Yu

Liahona mo ol nara tul blong Jos oli stap long plante lanwis long www.languages.lds.org.

Foto pikja i kam long Craig Dimond