Presen we I Jen
Man we i raet i stap long Yuta, YSA.
Mi bin mekem plante rong joes taem mi bin stap long hae skul. Ol joes ia, oli lidim mi long ol risal we i nogud mo mi no hapi; mo mi bin disaed blong yusum skul holidei blong stat blong mekem ol jenis. Taem skul i stat bakegen, mi bin kakae lanj long wan batrum, o wan ples we i emti blong mekem se mi mas ronwe long ol nogud rilesensip we oli stap wet blong welkamem mi bakegen.
Mi neva filim miwan olsem long tetaem ia.
Afta nao, God i bin givim mi wan presen: Hem i sendem Jen i kam. Gel ia i neva jajem mi from ol mistek blong mi, be, hem i stap leftemap tingting blong mi blong gohed long stret daereksen. Save ia se bae hem i stap long skul i bin helpem mi blong gohed blong ridim ol skripja blong mi mo fidim testemoni blong mi. Taem we taem blong graduesen i kam, mi bin pruvum miwan finis se mi bin putum ful tingting blong mi jenis.
Samtaem, mi stap askem miwan se bae mi stap wea tedei sapos Jen i no bin kam long mi. ?Bae mi save holemtaet strong ol prinsipol blong mi sapos hem i no bin stap? Laki nomo, bae mi neva save from se hem i bin stap ia wetem ful hat blong hem, i rere mo i wantem helpem mi.