Autalavou
O Au ma le Konafesi
E alala le tusitala i Toronto, Kanata.
Sa masani ona ou manatu o le konafesi aoao i le faaiuga o le vaiaso sa umi ma le manaia, ae a o faagasolo le taimi, ua ou fiafia ma sagisagi atu i ai. O le konafesi aoao i le faaiuga o le vaiaso e mafai ona avea ma se toe faafouina faaleagaga, ae e faigofie lava ona tuu atu i nei lagona e mouese atu pe a faaauau pea le olaga masani i le Aso Gafua. O nisi nei o manatu ua fesoasoani ia te au e faaauau pea le mauaina o le tele o mea mai le konafesi e mafai ai.
Ou te saunia au lava ia mo le konafesi e ala i le tusitusi i lalo o fesili, ona ou faia lea o ni faamatalaga a o loo taliina a’u fesili. Mulimuli ane, ou te manao e sii mai lauga o le konafesi ma musika mai LDS.org ma tuu i luga o se laau MP3, ina ia mafai ona ou faalogo i se lauga po o se viiga a o ou faia au feau masani i aso taitasi. Ou te fiafia foi e suesue i le lomiga o le konafesi o le Liahona. Ou te faailogaina ma tusi faamatalaga i pito o laupepa o la’u lava kopi. E oo atu i le taimi o le isi konafesi, ua faaaoga tatau la’u mekasini. E suesueina faatasi e lou aiga savali i nisi taimi i afiafi faaleaiga.
O le faatumauina o le agaga tatou te lagonaina i le taimi o le konafesi ma faaauauina le aoao mai savali e manaomia ai se galuega, ae o le faia o lenei mea ua avea ma se faamanuiaga sili mo au. Ua ou mauaina le malosi tele ma le taitaiga i taimi o faigata e ala i le suesueina o savali mai konafesi aoao, ma ou te iloa o nei savali e musuia.