O Le Faitotoa ma le Ala

O sauniga ma feagaiga o le perisitua e tuuina i tatou i le ala o le ola faavavau ma faamanuiaina i tatou i le malosi o loo tatou manaomia nei lava.

O loo tatou sailia uma le ola faavavau, o lona uiga o le faaolaina ma faaeaina i le tikeri aupito maualuga o le malo selesitila, lea e mafai ona tatou ola ai i luma o le Tama Faalelagi o ni aiga.

I le faaopoopo atu i le faatuatua ia Iesu Keriso ma le salamo, o sauniga ma feagaiga o le perisitua e faatagaina i tatou e ulu atu i le ala e tau atu i le ola e faavavau. Tusa lava po o anafea na e ulu ai i totonu o lenei ala po o fea foi o e i ai i luga o le ala—pe na e fanau i le Ekalesia pe na e liliu mai mulimuli ane, pe sa e malosi i le lotu i lou olaga atoa pe o lena faatoa e toe foi mai i le Ekalesia—e mafai ona e alualu i luma i le ala a o e taulai atu i au feagaiga ma le mea e mafai ona e faia e maua ai ma tausia ai.

Ma e taua le iloa o sauniga ma feagaiga o le perisitua e le na o le ofoina mai o le folafolaga o se lumanai mamalu. Latou te tuuina mai foi ia i tatou le malosi, faamafanafanaga, ma le lagolago tatou te manaomia nei ina ia mulimuli i le ala, ma tumau ai e oo i le iuga i le amiotonu.

Faitotoa

Ala e taitai atu i le ola e faavavau (tumau e oo i le iuga)

Tagai 2 Nifae 31

“O le tumau ai i le ala o le talalelei o feagaiga, poloaiga, ma sauniga o le a puipuia ai i tatou ma saunia ai e faatino le galuega a le Atua i lenei lalolagi.”

Elder Robert D. Hales o le Korama a Aposetolo e Toasefululua, “Tutu Malolosi i Nofoaga Paia,” Liahona, Me 2013, 49.

• Sauniga ma Feagaiga Taua

  

  “O le pule o le perisitua i le Ekalesia e tuuina mai ai sauniga paia ma feagaiga e fusia faatasi ai aiga ma faaagavaaina ai i tatou taitoatasi e toe foi atu i le Atua le Tama ma Iesu Keriso i le malo selesitila. O nei sauniga e aumaia ai le filemu aua o feagaiga ia ma le Alii.”

  Elder Quentin L. Cook o le Korama a Aposetolo e Toasefululua, “O Le Filemu o le Tagata Lava Ia: O Le Taui Lea o le Amiotonu,” Liahona, Me 2013, 34.

  • Papatisoga

  • Meaalofa o le Agaga Paia

  • Faaeeina ma le faauuga i le Perisitua (MO ALII TALAVOU)

  • Faaeega Paia o le Malumalu

  • Faamauga faalemalumalu

• Faafouina ma le Faamalolosia o Sauniga

  

  “A o outou auai ma le agavaa i sauniga o le perisitua, o le a tuu atu ia te outou e le Atua le malosi silisili, filemu, ma le vaaiga e faavavau.”

  Elder Neil L. Andersen o le Korama a Aposetolo e Toasefululua, “Mana o le Perisitua,” Liahona, Nov. 2013, 95.

  • Faamanatuga—faafouina faalevaiaso o le feagaiga o le papatisoga

  • Faamanuiaga faapeteriaka—taitaiga faapitoa o le tagata lava ia ma faamanuiaga folafolaina

  • Faamanuiaga mo e mama’i—fesoasoani ma le faamalologa

  • Faamanuiaga faatamā ma isi faamanuiaga o le faamafanafanaga ma fautuaga—le filemu ma le taitaiga pe a manaomia

Ola e faavavau (malo selesitila faatasi ma aiga)

Fesoasoani i le Ala

Tusitusiga Paia—taitaiga ma aoaoga e mauaina o se vaega o le feagaiga i le va o le Atua ma Lona nuu (tagai i le MF&F 84:57)

Tatalo—“Ua ofo mai e [Le Matai] ia i tatou le feagaiga e ‘manatua pea o Ia’ ma le lapataiga e ‘tatalo e le aunoa’ ina ia tatou tuu atu lo tatou faalagolago ia te Ia, pau lea o lo tatou saogalemu” (Peresitene Henry B. Eyring, Fesoasoani Muamua i le Au Peresitene Sili, “Aunoa,” Ensign, Oke. 1999, 9).

Auauna Atu—faataunuuina o a tatou feagaiga e ala i le auauna atu i le Atua ma Ana fanau, e aofia ai valaauga, malumalu ma galuega o talafaasolopito o aiga, faasoa atu le talalelei, auaunaga faafaifeautalai

Salamo—manatuaina o a tatou feagaiga ma faalatalata atili i le Faaola pe a tatou se ese, o nisi taimi e aofia ai le fesoasoani mai taitai perisitua