Manatu mo Afiafi Faaleaiga

O lenei lomiga e aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.

“Toe Fitu Aso Oo i le Eseta, itulau 10, ma “Ua Molimau mai Molimau Faapitoa e uiga i le Keriso Soifua, itulau 16: Atonu e te manao e faaaoga mea o loo i nei tusiga e fai ai faigalotu i aso taitasi faatasi ma lou aiga i le vaiaso ao lumanai le Eseta. Amata i le Aso Sa a o lei oo i le Eseta, faitau molimau a le Au Peresitene Sili i le itulau 17 ma mulimuli i faatonuga i le “Toe Fitu Aso Oo i le Eseta.” O aso taitasi mulimuli ane, faitau molimau a ni Aposetolo se toalua ma faaaoga tusitusiga paia, pese, ma le gaoioiga i le “Toe Fitu Aso Oo i le Eseta” e faasoa atu ai se savali i lou aiga. I le Aso Sa o le Eseta, e mafai ona outou matamata i le vitio faaleTusi Paia “He Is Risen” e maua i le lds.org/bible-videos (o loo maua i nisi o gagana).

“E Matua Faigofie lava, Tamamatua!” itulau 67: A uma ona faitau le tusiga lenei, atonu e te manao e aumai foi lau uati e mafai ona taofi! Mafaufau e faitau se itulau mai le Tusi a Mamona o se aiga, ma vaai le umi o le taimi tou te faitau ai. I le faaaogaina o lena taimi o se taiala, fuafua le umi o le a faaalu e lou aiga e faitau ai le Tusi a Mamona. Atonu e te manao e faatu se sini e faitau faatasi le Tusi a Mamona. O le fatuina o se faasologa, e pei o le faitauina i se taimi faatulagaina i aso taitasi, e mafai ona fesoasoani ia te oe ia ausia ai lau sini.

Ata na tusia e David Stoker

I Lau Gagana

O loo maua le Liahona ma isi tusi a le Ekalesia i le tele o gagana i languages.lds.org.