O Le Tuleiina o le Papa
Mai le “Faalatalata Atili i le Atua,” Liahona, Nov. 2013, 105.
Sa taumafai se tamaitiiti laitiiti e faamafolafola le vaega sa i ai le palapala i tua o lona fale ina ia mafai ai ona ia taalo i ana taavale iina. Sa i ai se maa lapoa sa faalavelave i lana galuega. Sa tulei ma toso e le tamaitiiti i lona malosi atoa. Ae e tusa lava po o le a le malosi sa ia taumafai ai, sa le mafai ona minoi le maaa.
Sa matamata i ai lona tama mo sina taimi. Ona ia sau ai lea i lona atalii ma fai i ai, “E manaomia ona e faaaoga uma lou malosi e aveese ai se maa tele faapea.”
Sa tali mai le tamaitiiti, “Sa ou faaaogaina uma lo’u malosi!”
Sa faasa’oina o ia e lona tama: “Leai, e te lei faaaogaina uma. E te lei mauaina la’u fesoasoani!”
Ona la punonou faatasi lea i lalo ma aveese ma le faigofie maa.
E finagalo le Alii ia tatou faalagolago atu ia te Ia i le foiaina o o tatou faafitauli. Ona mafai lea ona tatou lagonaina Lona alofa tele i taimi uma, e sili atu ona mamana, sili atu ona manino, ma e sili atu ona patino. E mafai ona tuufaatasia i tatou ma Ia, ma e mafai ona avea i tatou faapei o Ia.