Bokin te Maungatabu n Eberi 2014

Tera are I a tia n taekinna Ngai te Uea, ao I bon taekinna, … ngkana boni man bwanaau ke man bwanaaia Au toro, bon tii te arona (D&C 1:38).

Ngkai ko a tia n rinanon te maungatabu ni kabuta ibukin Eberi 2014, ko kona ni kabonganai iteranibaa (ao Booki ibukin rongorongon te maungatabu n taai aika a na roko) ni buokiko ni kamatebwai ao ni kamwakuri reirei ake ai tibwa ngkai mairouia burabeti aika a maiu ao abotoro ao mataniwi n te Ekaretia.

Ni wareware, mataku, kakauongo, ke n tibwauai maroro n te maungatabu ni kabuta, nakon conference.lds.org.

Ko na Kanga ni Booa te “Boowi ibukin te Kateiriki n te Utu”

“N te kabane ti karekei tuua, n te tembora, ao te rabakau ibukia utu ni kakoroa nanon te mwakuri ni kamaiu ae mimitong. I baireia … [utu n tatabeua] a na booa aia ‘Boowi ibukin te Kateiriki n te Utu.’ Aei bon te waaki ni kakukurei ae okioki.”

—Unimwaane Quentin L. Cook, “Ara Bakatibu ao Kanoara,” Riaona, Meei 2014, 47.

1. Ikotaki ma am utu ao tibwauai rongorongo, karaki, tamnei, ao ana bwai te utu.

2. Kanakoi karaki ao tamnei nakon te Kateiriki n te Utu ao tomai bwaai n ibuobuoki iaon taokumente ma am bakatibu.

3. Baireia bwa am bakatibu raa ake a kainnanoi otenanti n te tembora aika a na mwakuriaki ao mwiokoia kaain am utu bwa a na karaoi.

Kakaei tabeua kawai are e taekin Unimwaane Cook ake ti na kakabwaiaki iai man rongorongon te utu n lds.org/go/cook714.

• te ninikoria

  Thomas S. Monson

• Te Mare ao te Itiaki

  Neil L. Andersen

• Kawaekoan te Mwakuri ni Kamaiu