Iien Riit Jeje ko Rekwojarjar

Jisōs ej Kōmour juon Rilepa

Jān Erin Sanderson

Rijeje eo ej jokwe ilo Utah, USA.

Ekkatak kōn Kalim̧m̧ur Ekāāl ippān doon iiō in!

Ļōmņak kōn juon iien me kwaar nan̄inmej. Ewōr ke juon armej eaar kwaļo̧k jouj n̄an jipan̄ eok ājmourļo̧k?

Ilo Kalim̧mur Ekāāl jej riit kōn wāween an Jisōs kar kwaļo̧k jouj n̄an jipan̄ armej ro rekar nan̄inmej. Juon raan juon em̧m̧aan ewōr nan̄inmej in kil ņae etan lepa eaar etal n̄an Jisōs. Ekar jeļā bwe Jisōs ewōr an kajoor n̄an kōmour aolep ro rekar nan̄inmej. E ekar tōmak bwe Jisōs emaron̄ in kōmour e. Jisōs ekar jibwe rilepa eo im ba, “Kwōn erreo” (Mark 1:41). Iien eo wōt ke Jisōs ekar kōnono, em̧m̧aan eo ekar mour.

Jemaron̄ ļoor bun̄tōn nee ko neen Jisōs jān jouj im iakwe n̄an ro jet ro rej nan̄inmej ak būrom̧ōj.

Ekkatak Eļapļo̧k: Gospel Eo

Kalim̧m̧ur Ekāāl ewōr emān bok ko ie rejenolo̧k ņaetāer Gospel ko, me rekar jeje jān jet iaan rikaļoor ro an Jisōs. Gospel in ej kwaļo̧k n̄āāt eo Jisōs Kraist ekar mour ioon laļ in. Bwebwenato eo kōn kōmour rilepa eo ej pād ilo jilu iaan Gospel ko. Ej pād ilo Mark 1:40–42 im barāinwōt ilo Matu 8:2–4 im Luk 5:12–14.

Ļōmņak ko n̄an Kōnono an Baam̧le

Komaron̄ kōjerbal pija ko ilo jeje ko rekwojarjar ilo peij 74 n̄an kwaļo̧k bwebwenato eo jān Mark 1:40–42. Innām komaron̄ in riiti Jude 1:22 im karōk wāween eo n̄an kōm̧m̧ani jet men ko āinwōt juon baam̧le n̄an kōm̧m̧an oktak ilo mour an juon armej. Bōlen komaron̄ jipan̄ juon armej ilo ittiņo̧!

Al: “Tell Me the Stories of Jesus” (Children’s Songbook, 57)

Eoon ko: Mark 1:40–42

Pija ko: Etal n̄an Biblevideos.org n̄an alooj “Jesus Heals a Lame Man on the Sabbath” im “Jesus Heals a Man Born Blind.”

Ļoor Bun̄tōn Nee ko Neen Jisōs

Ippān baam̧le eo am̧, kōmeļeļe ilo m̧akūtkūt wāween am̧ naaj maron̄ kwaļo̧k iakwe n̄an ro jet kōn jekjek kein. Make kōm̧m̧an jekjek ko am̧ make!

• Āinwōt juon baam̧le ekāāl ej kab em̧m̧akūt tok n̄an jukukinpād eo am̧.

• Jet ajri relej n̄an bar juon ajri ilo jikuuļ.

• Juon rilotok eo ejjab jeļā jabdewōt armej ilo kabun̄ eo ej itok n̄an Būraimere.

• Ejjeļo̧k ej ikkure ippān ļaddik eo jatūm̧ edikļo̧k ak leddik eo jatūm̧ edikļo̧k.

• Nin̄nin̄ eo ej jan̄, im jinōm̧ ej kajjieon̄ kōm̧m̧an m̧ōn̄ā in jota.

• Juon armej ilo ward ak branch eo am̧ enan̄inmej im ej jab maron̄ etal jān m̧weo.

Jipan̄ an Jeje ko Rekwojarjar: Pukōt naan eo

Ilo Mark 1:41 naan eo tūriam̧o̧ kar kōjerbale. Jet iien ewōr naan ko rem̧wilaļ ilo Baibōļ eo me komaron̄ jab meļeļe. N̄e kwoj loe juon naan kwoj jab jeļā, komaron̄ kōjerbal Guide to the Scripture n̄an jipan̄ eok! N̄an waanjon̄ak, komaron̄ lale “Compassion” n̄an pukōt ta meļeļe eo an im pukōt eoon ko jet rej kōjerbale. Naan ta ko jet komaron̄ in pukōti ilo bwebwenato eo kōn an Jisōs kōmour em̧m̧aan eo elepa?