Wōnm̧aanļo̧k Ilo Tōmak
Jān Elder Anthony D. Perkins
Jān Jiljilimjuonn̄oul eo
Jān juon kōnono in nokon kar kwaļo̧ke ilo Brigham Young University ilo Pebode 4, 2014. N̄an aolepān jeje in ilo kajin Pālle, etal n̄an speeches.byu.edu.
Emen katak ko an kean̄ ilo kālet n̄an kōm̧m̧ani jen Nipai remaron̄ kadikļo̧k am̧ mijak im kōļapļo̧k kōjatdikdik eo am̧ n̄an wōnm̧aanļo̧k wōt.
Meļeļe ko jān Jetōb in Jar, jān Caludio Roberto Aquiar Ramires
Kom̧ rūm̧m̧an ded ran kom̧ ej jokwe ilo juon iien eo rej ba “Joñoul iiō in kōman Jokālet”. Kom̧ij kōm̧m̧ani elōn̄ iaan kelet ko ami raorōk ilo mour kane ami, āinwōt “etal n̄an tempel, jerbale juon mijen, jikuul, kālet juon jerbal, im kālet eo m̧ōttam̧ im liāp n̄an iien im n̄an indeeo ilo tampeļ ko rekwojarjar.”1
Ij kōnono eļapļok n̄an ro im rej lokjak ilo juon ak elōn̄ļo̧k iaan kālet kein raorōk—jet bōlen m̧ōttan jidik rejorrāān jen mijak in kōm̧m̧an kālet ko rejjab jim̧we ak aikuij kaketak n̄an pād wōt im lōke ilo juon kālet eo kar kōm̧m̧ane m̧oktaļo̧k.
Emān katak ko reim̧we kōn kōm̧m̧an kālet jān Nipai, eļan̄n̄e mour kaki, remaron̄ kadikļo̧k am̧ mijak im kōļapļo̧k am̧ lōke im wōnm̧aanļo̧k wōt.
1. Pokake Kien ko.
Eoon eo āliktata ilo ļo̧o̧k ko rekwojarjar an Nipai lukkuun kapen an kam̧ool kōn mour eo an: “Bwe āindein Irooj Eaar jiron̄ eō, im ij aikuj pokake” (2 Nipai 33:15).
Tōmak im iakwe eo an Nipai n̄an Rilo̧mo̧o̧r ej waanjon̄ok in pokake eo an n̄an kien ko an Anij. Ekar jar (lale 1 Nipai 2:16). Ekar riiti jeje ko rekwojarjar (lale 1 Nipai 22:1). Ekar pukot im ļoor tōl jān juon rikanaan emour (lale 1 Nipai 16:23–24). Pokake in ekōm̧m̧an bwe Jetōb kwojarjar en lukkuun kajoor an pād ippān Nipai ilo aolep mour eo an im bōktok revelesōn ko an make rejjab jemļo̧k.
Kwōj aikuij in bar pād epaake Irooj ilo am̧ kōjparok kien ko an Anij. Ij kwaļok aō kam̧ool ke pokake men ko reddik āinwōt riiti jeje ko rekwojarjar, jar emakijkij, pād ilo kweilo̧k ko an Kabun̄, ron̄jake naan in kapilōk jān rikanaan ro remour, im jerbal n̄an ro jet naaj kōkarbōbe kom̧ n̄an Jetōb eo—im bōktok revelesōn.
Wānōk ejjab juon menin aikuj n̄an revelesōn ko ad make. Menin aikuj eo ej ukwelok aolep raan (lale Rom 3:23). Eļan̄n̄e ukweļo̧k eo am̧ elukkun in m̧ool im jejjōt (lale D&C 58:42–43), kajoor in kareeoik eo an Pinmuur eo enaaj bōktok Jetōb eo n̄an tōl eok ilo kālet ko reddo an mour in.
2. Wōnm̧aanļo̧k kōn Tōmak
Likūt kwe make ilo mour eo an Nipai. Jemōm ej jiron̄ eok Irooj ej kean̄ baam̧le eo am̧ n̄an ilok jān jeram̧m̧an im etal n̄an āne jem̧dān. Kwonaaj ke kōņaan jeļā kōn iaļ eo ami im ijo komij jibadōkeļo̧k?
Ij ļōmņak Nipai enaaj kar m̧ōņōņō ke Irooj ekar kalikar ilju eo an. Ak ejjab wāween dein an Anij jerbal ippān Nipai, im ejjab wāween dein an naaj jerbal ippam̧.
Ilo an baam̧le eo an Nipai etal ilo āne jem̧dān, naan in tōl ko raar itok wōt n̄an ippen “jen iien n̄an iien” (1 Nipai 16:29; 18:1). Lale ļo̧k iaļ eo an kōn men ko em̧ōj kōpooji im̧aan eban kar maron̄ leļo̧k n̄an e jōkjōk in kaddōkļo̧k im kalōk juon tōmak eo im ej jipan̄ e erom āinwōt armej ilo Kraist.
Eļan̄n̄e kwōj kōttar n̄an an Anij kwaļo̧k ta eo kwōj aikuij in ekkatak ilo jikuuļ, wōn eo kwōj m̧areiki, jerbal rōt eo kwōn bōke, ia eo kwōn jokwe ie, eļan̄n̄e kwōj etal n̄an jikuuļ ko reļļapļo̧k, im jete nejim, kwōj jāmin naaj ilo̧k jen ijo kwōj pād ie. Ij kwaļok aō naan in kam̧ool ke revelesōn ko ad make renaaj itok “jen iien n̄an iien.”
Jemedwōj Ilan̄ ekōņaan bwe jen eddōkļo̧k, im bwe ekitbuuj ejaake maron̄ eo ad n̄an jon̄e m̧ool ko, leļo̧k ekajet, im kōm̧m̧an kālet ko. Ak Ej barāinwōt karwaineneik kōj n̄an boktok kālet ko ad n̄an E ilo jar (lale D&C 9:7–9). Elder Richard G. Scott jen Doulul eo an Jon̄oulruo Rijilōk ro ekar katakin bwe uwaak ko n̄an jar ko ad rej itok ilo “ilo juon iaan wāween kein jilu.”2
Kapen Jeļā Eo
“Juon,” Elder Scott ekar ba, “kwomaron̄ en̄jake aenōm̧m̧an, jokne, kam̧ool eo ej kapen bwe kālet eo am̧ ejim̧we.”3 Kōrā eo ippa, Christy, im n̄a make em̧ōj am lo ke kam̧ool ko kōn men ko rej jelet kōj jān kālet ko repen ilo mour in maron̄ in itok ilo jeje ko rekwojarjar, enan̄in aolep iien ālkin am pād tampeļ.
N̄an waanjon̄ak, ālkin eļap kejōkļo̧kijeņ im jar, kōm̧ kar kālet n̄an ilo̧k jān m̧weo eto am̧ ettōnake imōm ilo Texas, im rejtak n̄an em̧m̧akūt ilo jerbal, im em̧m̧akūt ippān jiljino ajri n̄an Beijing, China. Bōtaab kōm̧ kar lukkuun ikdeleel in bōk kam̧ool jān Jetōb kōn juon em̧m̧akūt eo eļap. Kam̧ool ko jān lan̄ rekar itok n̄an kōm̧—ilo tampeļ eo—ilo am riiti naan kein ilo Doctrine and Covenant: “Ej kōņaan eo aō bwe kwōn … jab pād ijin elōn̄ raan ko; … jab lōm̧ņak kōn men ko m̧weiōm̧. Etal n̄an aeļōn̄ ko Ireaer” (D&C 66:5–7).
Ainikien Jisōs Kraist ilo eoon kein, rej itok ippān en̄jake eo ekajoor jen Jetōb kwojarjar, ej kapen bwe kālet eo am̧ n̄an em̧m̧akūt n̄an China ejim̧we.
En̄jake Ko Rekar Jab Alikkar
Wāween eo kein karuo Jemedwōj Ilan̄ ej uwaake jar ko ej “en̄jake ko rejjab alikkar, koba in lōmņak ko, rej kwaļo̧k ke kelet eo am̧ ebōd.”4
Ālkin mijen eo aō n̄an Taiwan, ikar ļōmņak international law enaaj kar juon jerbal eo em̧m̧an n̄an kālet. Ilo aō kab Christy lōmņak kōn ilju jab in emaron̄ kar tōprak, kōm kar meļeļe ke bar ļalem iiō in jikuuļ ko eļap wōņāer rej pād im̧aan.
Jeram̧m̧an ko an Amedka rekar pād ilo juon jōkjōk eo ejjab em̧m̧an im jipan̄ ko am rekar jab bwe, kōn menin kōm kar ļōmņak ke kobaļo̧k ilo jarin tariņae in mejatoto eo an ROTC, enaaj kar juon kālet eo em̧m̧an n̄an kōļļā wōņaan aō jikuuļ. Bōtaab ke ikar bōk test ko rekar menin aikuj im kanne peba ko, ekar jab em̧m̧an am en̄jake ilo am kōm̧m̧ane kallim̧ur kein. Ekar ejjeļo̧k ļōmņak ko rekar itok ak en̄jake ko reddo—kar ejjeļo̧k en̄jake in aenōm̧m̧an.
Kālet in ekar alikar tok kōn apan̄ in jāān kar juōn im̧we, mōttan wōt men in, kōnke iban kar juon lawyer eo em̧m̧an.
Lōke eo Ekwojarjar
Anij ej uwaak jar ilo wāween eo kein kajilu: ejjeļo̧k uwaak in. “N̄e kwoj mour erreo im kālet ko am̧ rej aolep iien jejjet ippān katak ko an Rilo̧mo̧o̧r eo im kwoj aikuj in m̧akūtkūt,” Elder Scott ekar ba, “etal wōt kōn lōke.”5
Etal eo āliktata an Nipai n̄an bōk pilej ko ej kwaļok ewi wāween ad wōnm̧aanļo̧k kōn lōke eo ekwojarjar. Eaar ļo̧o̧ki:
“Im jetōb eaar tōl eō, jab jeļā m̧okta men ko in kar kōm̧m̧ani.
Mekarta iaar wōnm̧aanļo̧k wōt” (1 Nipai 4:6–7).
Enaaj itok iien eo ilo iien kōm̧m̧an kālet in ilo mour ne am̧ n̄e kwōjjab maron̄ in aipādpād ak aikuj in kōm̧m̧ane. Em̧ōj ak katak menin ke, Elder Dallin H. Oaks jen Doulul eo an Jon̄oulruo Rijilōk ro ekar katakin, “jenaaj bōk unojdikdik an jetōb kwojarjar elan̄e jenaaj kōm̧m̧an aolep men ko jemaron̄, elan̄e jenaaj diwōj im jerbal ijeļokin ad pād ijoko rellōr im jar kōn wāween kōm̧m̧ane ilo bun̄ten ko im̧aan tata n̄an jinoe.”6
Āinwōt ippān Nipai, Jetōb eo ilo iien eo ekkar kapen ak kakkōl kōn iaļ eo kwōj kālet e.
3. Mour ilo Raan Kein
Kallim̧ur ko an Nipai ilo iaļ eo an ļo̧k n̄an āneen kallim̧ur ekar oktak jen ko an lōmaro jein im jatin Laman im Lemuel. Rekar kōm̧m̧an kālet n̄an etal, ak būruweer ekar pād wōt Jerusalem. Nipai ekar kōm̧adm̧ōd e lippo̧ņ eo an ekar jorrāān n̄an kakkidudu ak kōmat aen n̄an kalōk juon wa ilo an lōm̧aro jein im jatin aenōm̧m̧an ilo em̧ nuknuk ko m̧weer.
Rainin laļin eobrak kōn Laman im Lemuel ro. Bōtaab Irooj ej aikuj em̧m̧an im kōrā ro relukkuun eowan āinwōt Nipai. Kwonaaj ello eddōkļo̧k ko reļļap ilo mour ņe am̧ eļan̄n̄e kwonaaj lukkuun kallim̧ur n̄an kālet ko am̧ im kajjieon̄ in lōn̄aj eok ilo jōkjōk ko kwoj pād ie jekdoon n̄e jidik wōt am̧ lo ilju im jakļaj.
Nipai ekar kwaļo̧k waanjon̄ak in kapilōk eo em̧m̧an an būreejtōn Thomas S. Monson: “Etōnake ļo̧k iien ko rej m̧ootļok im antoone ilju im jekļaj emaron̄ kaenōm̧m̧an eok ak ej jāmin rejtak mour rainin. En̄in ej rain in iien ko ad rem̧m̧an, im jej aikuij in bōke.”7
4. Atartarļok ilo Kajoor eo an Ro Jet
Jekdo̧o̧n n̄e em̧ōj ad pukōt Jetōb, wōnm̧aanļo̧k kōn kālet ko ad, im lukkuun in m̧ool n̄an i, pere ko remaron̄ waļo̧k im kōm̧m̧an bwe jen kajjitōkin kālet ko ad. Ilo jōkjōk jab in juon uwaan baam̧le eo im eļap am̧ lōke ak juon m̧ōttam̧ emaron̄ lewaj kapilōk im kajoor n̄an pād wōt ilo iaļ eo. Ij kōtmene ke ilo iaļ in an, kōrā eo pāleen Nipai ekar erom an̄kō eo ekar lōke.
Kam̧m̧olol n̄an kōrā eo pāleen Nipai ekar itok n̄an eō ke ikar loļo̧k jikin kalojloj im menin bwebwenato ko an Kabun̄ in. Ikar m̧ootļo̧k ipān juon pija in Nipai ke ekar pād ilo juon wa, ekar waļok an jelm̧ae kōto eo eļap.8
Ilo iturājit in Nipai ekar kōrā eo pāleen im juon iaan ajri ro nejin. Ekar bar idajon̄jon̄ ejja kōn kōto in wōt im mālijjon̄ in āinwōt Nipai, ak mejān kar waļok an kate im pā ko pein rekajoor rekar lukkuun koņ aer atbakwoj aeran. Ilo iien in ikar kile ke bar n̄a ikar jeram̧m̧an kōn juon pāleeō eo em̧ool im ej letok kajoor ilo iien mālijjon̄. Ij kōjatdikdik ke ikar bar kajoor n̄an e.
Em̧m̧an ro jeiū im jatū, dāpij im kōļapļok kajoor in jetōb eo kwar kōkaajririki (ak kwoj iten kōkaaajririki) āinwōt juon mijinede ak ilo jerbal ko jet rekwojarjar ej men eo m̧weiōm̧ em̧m̧an tata n̄an erom juon pāleen ak jemān eo ej ikdeleel. Kōrā ran, en̄jake ko ilo jetōb, tōmak, im peran n̄an ļoor Jisōs Kraist rej ilubwiljin men ko rem̧m̧an tata kwomaron̄ joleti āinwōt juon ripālele im juon jinen.
Ij karwaineneik eok n̄an erom kain armej eo im eo pāleem̧ kiō ak ilju im jekļaj emaron̄ in kepaake n̄an kapilōk ko rem̧m̧an im kajoor. Juōn em̧m̧an eo erreo im kōrā eo ewānōk, rej liāp n̄an iien in im n̄an indeeo ilo tampeļ, remaron̄ kōm̧m̧ani men ko reppen āinwōt juōn wōt ippān doon.
Ij kallim̧ur ke eļan̄n̄e kom̧ naaj mour kake katak kein kar katak jān Nipai im rikanaan ro rainin kōn kōm̧m̧an kālet, naaj tōlļo̧k kom̧ kōn revelesōn ko ami make “jen iien n̄an iien.” Ilo am̧ eddōkļo̧k ilo tōreen kōm̧m̧an jokelet in am̧, āinwōt kar Nipai, kar lōn̄ tōmak n̄an ba:
“Im jetōb eaar tōl eō, jab jeļā m̧okta men ko in kar kōm̧m̧ani.
“Mekarta iaar wōnm̧aanļo̧k” (1 Nipai 4:6–7).