Peļaak Eo Ad
Ro rej ikkun kijeek im kein kattōrak eo an Anij
Kōmeļeļe ko jān Julia Yellow…
Ekkar juon raan em̧m̧an ilo jikin jerbal eo aō āinwōt juon rikkuun kijek, im iaar lōm̧nak in riit bok in Mormon. Ke juon iaan rijerbal ro aō ej lo aō riit, ekar kajitōk ewi wāween an maron̄ ekkōņak kein kattōrak eo an Anij. Ke kōm̧ij kōnono wōt, aļļaam̧ eo ekar jan̄. Eaar wōr juon urur ilo juon mōn wia eo ebaak.
Kōm kar kaiur im kōņak kein ikkuun ko am kajjuļo̧k n̄an ijo. Kijeek ko rekar kilep, im ke kōm̧ij kepaakļo̧k m̧ōn wia eo, juon men ekar ebbokļo̧k im̧aam̧. Kijeek eo ekar kabo̧o̧ļ kōm̧. Eddebokļo̧k eo ekar kailbōk kōm̧ro rijerbal eo m̧ōtta jejjojo jōkōn ko. Ak kam̧oolol kōn kein jerbal im nuknuk ko, kōm̧ kar jab jorrāān.
Ke kōm̧ kar ro̧o̧l n̄an jikin jerbal eo am ālkin am kune kijeek eo, iaar kajjitōk ippān rijerbal eo m̧ōtta eļan̄n̄e ej keememej wōt kajjitōk eo an kōn kein kattōrak eo an Anij. Eaar ba ekar wōt, im iaar kōmeļeļeik ke kein kattōrak eo an Anij ej āinwōt kein kōjparok ko ilo jerbal in ikkun kijeek. Jej aikuj kōņaki iien otemjej bwe jen maron̄ anjo jen jum̧ae ko rekajoor an eo rikōjdāt eo. Eļan̄n̄e jej kōjparok kien ko, jenaaj jeram̧m̧an kōn kein kōjparok eo ekajoor ilo kein kattōrak eo an Anij, im Jetōb kwojarjar enaaj ad ritōl.
Fernando de la Rosa Marron, Meico
Eoon Eo Em̧m̧an Ippa
1 Samuel 16:7. “Bwe Jeova e jab lo āinwōt armej ej lo; bwe armej ej lale ālkin armej, a Jeova ej lale būruon” (1 Samuel 16:7).
M̧okta jen aō kar kobatok ilo Kabun̄ in, ikōn watōk eō make āinwōt juon armej āinjuon kōn maron̄ ko rejabwe. Iaar en̄jake an ejjeļo̧k men en eaorōk imaron̄ leļo̧k. Iaar mijak in kwaļo̧k n̄an armej wōn n̄a kōn aō mijak n̄e rōdike eō im m̧an eō. Iaar ļōmņak bwe aolep ro ipeļaakū rekajoorļo̧k, remāletletļo̧k, im rem̧m̧anļo̧k jān n̄a.
Ak aolep men kein raar maron̄ oktak ke ikar erom juon uwaan Kabun̄ eo an Jisōs Kraist im Armej ro Rekwojarjar ilo Raan-ko Āliktata. Iaar jelā bwe kōj wōj aolep jej ajri ro nejin Anij im jekar joleti men ko rekwojarjar. Ij kiō meļeļe ke ejjeļo̧k jiāe kōn wōn eo emāletletļo̧k, m̧weie ļo̧k, ak em̧m̧anļo̧k mejān. Ilo mejān Irooj, uteejāād wōj wōt juon, im E eo ej ekajet—ejjab kōn an em̧m̧an kōjalūm̧ ak kōn am̧ pokake im ikdeleel in ļoor iaļ eo E ekar kwaļo̧k.
Joan Azucena, Philippines
Kwōn Ke Jerbal Ilo Jabōt?
Kōmeļeļe ko jān Julia Yellow…
Ke ekar 15 aō iiō, ekar wōr aō naan in kam̧ool ekajoor kōn Jisōs Kraist im kar kanuuj m̧ōņōņō in kobatok ilo Kabun̄ in. Ilo tōre eo, ikar jerbal n̄an jipan̄ baam̧le eo aō. Ekar jab to ālkin aō kar peptaij, bōtaab, ekar jako jerbal eo aō.
Ikar aikuj pukōt juon aō jerbal kōnke baam̧le eo aō ej pedped wōt ioō, ak aolep jerbal ikar kanne n̄ani rekar aikuj bwe in jerbal ilo Jabōt. Iaar kaarmejete elōn̄ jerbal ko kōnke ikar aikuj pād ilo jar ilo Jabōt (lale D&C 59:9–10).
Ālkin ruo allōn̄ ko in kappok, ij jan̄in de elolo jerbal. Jinō ekar jab juon uwaan Kabun̄ in, im men̄e ekar tōmak ilo Anij, ekar lukkuun illu bwe iaar kōjekdo̧o̧n elōn̄ jerbal ko.
Juon jota ekar kalim̧jōk tok eō kōn dānin kōmjalal im kajjitōk, “Etke Anij ej kōtļo̧k an āindein n̄an kōj ke eļap am̧ tōmak ilo kōm̧m̧an men ko rejim̧we?”
Iaar uwaak, “M̧am̧a, ijaje etke menin ej walo̧k n̄an kōj, ak ijeļā bwe ij kōm̧m̧ane men eo ejim̧we, im ijeļā bwe Anij enaaj kōjeram̧m̧an kōj kake.”
Jibbon̄ōn eo juon ekar letok ebwe jon̄an jāān n̄an joļo̧k ruo raan in kōm̧akūt jet men ko reddo jān juon em̧ n̄an bar juon. Jerbal eo ekar nana, ak ke ikar bōk jāān eo, iaar jepļaak n̄an m̧weo im jar im kam̧oolol. Ejab to iaar lo juon jerbal em̧m̧an me ekar kōtļo̧k aō jab jerbal in Jabōt, im ekar jako an ejjeļo̧k aō jerbal.
Ij m̧ōņōņō ikar kālet bwe in kokwojarjar raan in Jabōt. Elōn̄ apan̄ ko ilo mour, ak ijeļā bwe eļan̄n̄e jej wōnm̧aanļo̧k im kajoor wōt men̄e apan̄ kein, Irooj enaaj kōjeram̧m̧an kōj.
Sahil shama, India