Jar ko im Im̧ōn jar ko
Rijeje eo ej jokwe ilo Utah, USA.
“Kom̧ij rū kaļora, eļan̄n̄e kom̧ij yokwe doon.” (Jon 13:35).
Dani ekar reilōn̄ļo̧k ak ekar jab maron̄ wōt loe aiboojoj eo an ioon im̧ōn jar eo. Armej ro jān kabun̄ ko jet raar itok n̄an ijin. Dani ekar jab maron̄ meļeļe etke baam̧le eo an kōrā eo rekar lo tok kabun̄ in ilo juon Bōļaide, ak jema ekar ba raar etal n̄an juon jar in jota an Kabun̄ eo ilo England.
“Ta ņe?” Dani ekar kajjitōk.
“Ej juon kweilo̧k eo armej rej al, riit jeje ko rekwojarjar, im jar ippān doon,” Jema ekar ba. “Āinwōt juon baam̧le ekilep ilo jem̧ļo̧kin raan eo.”
Ear em̧m̧an an Dani ron̄jake. Kōrā eo im baam̧le eo an rekar loļo̧k England. Jabōt eo ļo̧k rekar etal n̄an juon ward ilo bukwōn eo etan York. Ilo Būraimere aolep ajri ro raar jeļā ejja al im eoon ko wōt Dani ejeļā. Leddik eo ekar jeļā bwe ward eo ekar etal n̄ane ejja m̧ōttan wōt Kabun̄ eo em̧ool an Jisōs āinwōt eo an ilo ward eo ijo jikin.
Ak im̧ōn jar in ekar lukkuun oktak jān eo leddik ekar imminene kake. Leddik eo ekar lo juon tebōļ eobrak ioon kōn kāāntōļ ko. Dani ekar lale an juon ļaddik tile juon kāāntōl.
“Etke kwōj itil kāāntōl?” Dani ekar kajitōk ļo̧k ippān.
Ļaddik eo ekar ettōn̄ dikdik. “Ij itil kāāntōl eļan̄n̄e ij jar kōn juon men ewōr unin. Toon wōt an urur eo bwil, ij kōtmāne bwe Anij enaaj ron̄jake aolepān jar eo.”
Rejōkjōkin lukkuun kāāntōļ n̄an Dani. Leddik eo eaar jaad pok, ak ekar kōņaan wōt kōkōm̧anm̧an m̧wilin. Ekar ettōn̄ dikdik ļo̧k n̄an ļaddik eo.
Dani im baam̧le eo an raar jijet, im ekar jab to ejjino jar in jota eo. Leddik eo ekar lo ejja ļaddik eo wōt jet wōt jea ettoļo̧k jene. Innām leddik eo ekar kile bwe ejaje kajjojo iaan al ko aolep rej al kaki. Ke rej jar, raar riit jān juon bok jidikdik. Aolep men āinwōt rooktak jān ta eo leddik eo ekar iminene kake.
Ak al eo ekar aiboojoj, meñe ejab jeļā. Innām juon em̧m̧aan ekar jutak im riiti jeje ko rekwojarjar. Ekar ekkōņak nuknuk eo eaitok im kalibubuik aolep, im jab juut im tae āinwōt bisop eo an Dani. Ak ke ej jino an riit, Dani ekar kile an jeļā bwebwenato eo. Ļeo ekar riit kōn Jisōs ke ej kōmour rilepa ro 10.
“Baba,” Dani ekar unoojdikdik, “em̧m̧an ippa bwebwenato in.”
Jema ekar ettōn̄ dikdik. “Bar n̄a.”
Innām ļeo eaitok nuknuk eo an ekar jar. Ekar kajjitōk bwe Anij en kōjeram̧m̧an ro renan̄inmej im aikuj. Āinwōt an kar Dani kōm̧m̧ane! Ļeo ekar barāinwōt kajjitōk kōn juon kōjeram̧m̧an ritōl ro an. Dani ekar keememej wāwen an baam̧le eo an aolep iien kajjitōk ippān Jemedwōj Ilan̄ bwe en kōjeram̧m̧an Būreejtōn Thomas S. Monson im rikakpilōklōk ro an.
Juon en̄jake emeņāān ekar itok n̄an būruwōn Dani. Ekar jeļā bwe Jemedwōj Ilan̄ ekar ba n̄ane bwe ej iakwe aolep ajri ro Nejin im ron̄jake aolep jar ko aer, men̄e rej etal n̄an bar jet im̧ōn jar im ejako ippāer tarlep in gospel.
Ke rej jutak in ro̧o̧l, Jema ekar etale taļboon eo an. Ekar mejān būrom̧ōj ke ej riiti enaan ko tok n̄ane. “Sister Monson emej,” ekar ba.
“O jaab!” Dani ekar mōkaj im jar ilo būruwōn bwe Būreejtōn Monson en em̧m̧an wōt an mour.
“Em̧m̧an ke am̧ m̧our?” juon armej ekar kajjitōk. Ejja baj ļaddik eo kar m̧oktaļo̧k. Ekar ron̄ ainikien Dani, im ekar jaad inepata.
“Sister Monson emej,” Dani ekar ba. “Kōrā eo ippān rikanaan eo am̧, Būreejtōn Monson.”
“Joļo̧k bōd,” ļaddik eo ekar juon ar ba. Inaaj tile juon kāāntōl n̄an e
Dani ekar ettōn̄ dikdik im kam̧oolol e. Leddik eo ekar ļōmņak bwe em̧m̧an ļaddik eo bwe ej kōm̧m̧ane juon jar kake Būreejtōn Monson. Leddik eo ekar ļōmnak bwe Jemedwōj Ilan̄ enaaj kar ron̄jake jar eo an ilo būruwōn im bar jar eo an ļaddik eo.