2015
Kōn Joseph
Eprōļ 2015

Kōn Joseph

Jān Ted Barnes

Doulul eo an Priesthood

Pukot wāween ko jiljino mour eo am̧ ej (ak emaron̄) oktak kōnke Rikanaan Joseph Smith.

Painting of a young boy kneeling looking up at a grove of trees. At the center of the painting is a young boy (age 14) kneeling. His hands are resting on his thighs and he looks up at a light source above his head. The boy wears grey trousers (with suspenders) and grey vest and an off-white shirt. The shirt has a collar and two button placket at the front and the sleeves are rolled. The young boy had blond hair that is slightly rumpled. The background his a grove of trees, almost all with no leaves. There are some low saplings immediately behind the boy. The foreground has rocks, twings and small plants sprouting. "Walter Rane 04" appears in the lower right corner in red.

Joseph Smith ekar mej elōn̄ļo̧k jen 170 iiō ko remootļo̧k. Ekar mour 38 wōt iiō ko, joļo̧k enan̄in aolepān iien kein ilo jikin ko ejjeļo̧k en ejeļā kaki jon̄an kwojjab maron̄ loi ilo jabdewōt ak enan̄in ilo aolep māp ko rem̧m̧an. Im kwomaron̄ in bar jeļā kōn elōn̄ men ko ekar kōm̧m̧ani ilo mour eo an. Ak kwonan̄in ke ļōmņak kōn ewi wāween aer jelet mour eo am̧? Ilo an wāween ko lukkuun lōn̄ n̄an bwini, kwomaron̄ jino kon men kein jiljino.

Kōn Joseph Smith:

1. Kwomelele lukkuun wōn Anij im Jisōs Kraist.

Men̄e en kar jab kōn Joseph Smith, kwōj maron̄ wōt kar tōmak kōn Anij Jemān im ilo Jisōs Kraist. Emaron̄ kar wōr am̧ naan in kam̧ool kōn Baibōļ eo. Ak ļōmņak kōn jon̄an m̧wilaļ in im ļapļo̧k in meļeļe eo am̧ kōn ta ko Joseph Smith ekar kōjepļaaktoki—kam̧ool eo eperan kōn Bok in Mormon, Doctrine and Covenants, im Pearl of Great Price. N̄an waanjon̄ak, kwojeļā juon men eo im enan̄in aolepān laļ in rejjab jeļā: bwe Rilo̧mo̧o̧r eo em̧ōj an jerkakpeje ekar waļo̧kļak n̄an Amedka kan—kam̧ool, ilo naan ko An, ke ejjab “Anij in Israel wōt, [ak bar āinwōt] Anij in aolepān laļ in” (3 Nipai 11:14).

Ļōmņak kōn ewi wāween an naan in kam̧ool eo am̧ kōn Jemedwōj Ilan̄ im Jisōs Kraist kajoorļo̧k jen kam̧ool ko rekajoor rikanaan ro āinwōt Nipai, Alma, im Moronai—ejjan̄in itok n̄an ad kobaiktok Joseph Smith make, eo ekar kwaļo̧k ke: “Ej mour! Bwe kōm kar loe, ilo tuanbwij maron̄ in pein Anij” (D&C 76:22–23). Ilo juon raan ke tōmak ilo Anij im Jisōs Kraist rej jelm̧ae apan̄ im ekkā kōjekdo̧o̧ne, ej juon kōjeram̧m̧an n̄an bōk meram̧ in.

2. Kwojeļā ke bwe kwe nejin Anij—im barāinwōt aolep.

Youth in the Philippines are walking in a line and laughing and holding hands.

Ilo m̧ool men eo em̧ool tata Joseph Smith ekar kōjepļaaktok ekar m̧ool eo kōn kōtaan eo ad ippān Anij.1 E ej lukkuun Jemād. Em̧ōj ke am̧ bōjrak im ļōmņak kōn men ko rej itok jen m̧ool jab in? Ej ukōt wāween am̧ kalimjōk eok make: jekdo̧o̧n ta eo laļin ej ļōmņak kake eok, kwojeļā ke kwoj ajri eo eaorōk nejin Anij, kōn men ko rem̧m̧an Ippān repād ilo kwe. Ej ukōt wāween am kalimjōk ro jet: Innām aolep—jabdewōt—ej am jejtōr ak būratōr. Ej ukōt wāween am kalimjōk mour in make: aolep lan̄lōn̄ ko ie im melijjon̄ ko rej m̧ōttan karōk eo an Jemedwōj Ilan̄ n̄an jipan̄ eok erom āinwōt E. Ejjab lukkuun nana āinwōt juōn al kwoj al kake ilo būraimere!2

3. Baam̧le eo am̧ emaron̄ ippān doon n̄an indeeo.

Family posing together on a street in Hong Kong.

Etke elōn̄ armej rej pok kōn aorōk eo an m̧are im baam̧le? Bōlen kōnke rejjab jeļā kōn katak ko, kar kōjepļaaktok jān Joseph Smith, bwe m̧are im baam̧le rej ekapit jān Anij im remaron̄ pād indeeo. (lale D&C 49:15; 132:7). Men kein rejjab jet m̧anit kōm̧m̧an in armej ro ilo juknukinpād eo ejjab aikuji—rej m̧ōttan kōļaajrak eo n̄an indeeo an lan̄. Im kam̧m̧olol n̄an kii ko an priesthood eo im kain̄i ko an tampeļ eo im kar kōjepļaaktok kōn Joseph Smith, baam̧le eo am̧ n̄an indeeo emaron̄ ijino ijin ioon laļ in.

4. Em̧ōj am bōk priesthood eo im kōjeram̧m̧an ko an.

Filipino church members during a sacrament meeting.

Kōnke Anij em̧ōj an kōjepļaaktok priesthood eo An kōn Joseph Smith, kwomaron̄ in peptaij, im bōk menin letok eo an Jetōb Kwojarjar eo. Kwomaron̄ pukōt kōjeram̧m̧an ko an priesthood eo kōn kōmour, kaenem̧m̧an, im tōl. Kwomaron̄ kōm̧m̧an bujen ko rekwojarjar im rej lukwoj eok n̄an ippān Anij. Im kwomaron̄ kōkāāl bujen ko kajjojo wiik n̄e kwoj bōk m̧ōttan kwojkwoj eo. Jen kain̄i ko an Priesthood eo, kajoor eo an Anij ej deļon̄ ilo mour eo am. (lale D&C 84:20–21). Ejjeļo̧k iaan men kein emaron̄ kar dedeļo̧k eļan̄n̄e en kar jab dedeļo̧k jerbal eo jān Joseph Smith.

5. Em̧ōj am̧ rōļo̧k jen an̄ūrlep in uno ko rekajoor.

Two young men in DR Congo playing basketball.

Ak kwomaron̄ eļan̄n̄e kwonaaj pokake revelesōn eo Joseph Smith ekar bōke ilo 1833—m̧okta jen aer katak kake jikka im kam̧ool ke ej kōm̧m̧an nan̄inmej ilo ār im dānin kadōk ej kōm̧m̧ol nan̄inmej ilo dekā in jibke. Eļan̄n̄e ewōr juon rikanaan ej kwaļo̧k naan in meletlet jen Anij, etke jej kōttar an māltlet ko an laļ in itok? Naan in māletlet ej kwaļo̧k ke Anij ej kea ejjab kōn Jetōb in ad wōt ak barāinwōt kōn ānbwinnnid (lale D&C 89). Ālkin men otemjej, āinwōt revelesōn ko n̄an Joseph Smith raar kōmeļeļeiki bwe, bōk juon ānbwin ej kōm̧m̧an bwe jen lapļo̧k ad—jab dikļo̧k—āinwōt Jemedwōj Ilan̄, eo ewōr ānbwinin im kanniōk im di (lale D&C 130:22).

6. Komaron̄ jeļā m̧ool eo kōn kwe make jān Jetōb Kwojarjar.

A young Polynesian woman kneeling in prayer beside her bed.

Ke Joseph ekar dik ke ekar etal n̄an bukwin wōjke ko ilo 1820, tōmak eo kar ilubwilijin elōn̄ kabun̄ ko ekar bwe revelesōn ekar menin etto. Visōn eo an Joseph Smith kein kajuon ekar kabōd menin. Lan̄ ko repeļļo̧k—im ejjab n̄an rikanaan ro wōt. Jabdewōt eo ewōr an kajjitōk emaron̄ bōk juon uwaak jen kappok ko rōttā im tiljek (lale D&C 42:61; 88:63). N̄an waanjon̄ak, kwomaron̄ pukōt menin n̄an kwe make ke Joseph Smith ekar rikanaan an Anij ejjeļok oktak jen an Joseph kar jeļā: Ilo am̧ kajjitōk ippān Anij make.

Laajrak in ej ijjino eo. Ta eo kwon kar kobaiki? Ewi wāween an mour eo am̧ oktak kōn Joseph Smith?

Kakeememej ko

  1. Lale Teachings of Presidents of the Church: Joseph Smith (2007), 37–44.

  2. Lale “N̄a Nejin Anij,” Al, no. 301.