Juon Bwij im Juon Seperd
Juon peba kōn sip ko ej katakin kōj kōn wāween an Rilo̧mo̧o̧r eo kea kōn armej ro an.
Worwor in Sip eo Etto
Aļaļ
Seperd
wōrwōr dekā
Iaļ in Deļo̧n̄
Sip
Buwat
Rijerbal
Ta in: Juon pen, Juon wallōt.
Jibabad: Ej n̄an kōjparok sip ko jān rinana ro im riko̧o̧t ro, eļaptata ilo bon̄.
Kein jerbal ko im ekkal: Deka ko, enan̄in aolep iien, kōn deka ko rekkan̄ rej pād ioon wōrwōr eo. Deka ko rekkan̄ aolep iien rej kōjerbali n̄an kōm̧m̧an wōrwōr ko n̄an sip ko. Ron̄ ko ilo toļ ko rej jet iien jikin likūt jiip ko, kōn jet deka ko rej likūt imejan n̄an kili.
Ta eo Jemaron̄ Ekkatak
Wōrwōr in sip ko rej:
Ilo an rilale sip eo ilik kobaik. Āinwōt membōr ro an Kabun̄ in, jej juon wōt ilo jem̧doon kōn tōmak ko ad im bujen ko ad, im barāinwōt ilo ad koba ippān doon. Būreejtōn Henry B. Eyring, Rikakpilōklōk eo Kein Kajuon ilo Būreejtōnji eo Kein Kajuon, ekar ba: “Lan̄lōn̄ eo an jem̧doon [Jemedwōj Ilan̄] elukkun kōņaan n̄an letok n̄an kōj ejjab make iaan. Jej aikuj in pukote im karbab ippān ro jet. Ewi wāween an jab kabwilōn̄lōn̄ ke Anij ej kaketak kōj n̄an koba ippān doon bwe E en maron̄ in kōjeram̧m̧an kōj. Ekōņaan bwe jen koba ippān doon āinwōt baam̧le. Em̧ōj an letok kūlaaj ko, ward ko, im branch ko im kakien kōj n̄an kuk ippān doon emakijkij. Ilo iien kuk ippān doon kein, … jemaron̄ jar im jerbal n̄an ippān doon eo im enaaj boktok n̄an kōj lan̄lōn̄ im kōļapļo̧k kajoor ko ad n̄an jerbal” (“Our heart Knit as One,” Liahona, Nobōm̧ba 2008, 69).
Juon Jikin Ejokne im Kakkūje. Ilo Jisōs Kraist jej “lo kakkūje n̄an jetōb kein ad” (Matu 11:29). Kabun̄ eo An ej juon jikin kattōrak im jikin jokne (D&C 115:6). Im āinwōt an Boyd K. Packer, Būreejtōn eo an Doulul eo an Jon̄oulruo Rijilōk ro, kar katakin, “Jej lo ineem̧m̧an im kōjparok n̄an kōj make im ajri ro nejid kōn kautiej bujen ko ad jaar kōm̧m̧ani im kōm̧m̧ani jerbal ko rōļemwaan an pokake emenin aikuj jān rikaļoor ro an Kraist.” (“Men Kein Ijeļā,” Liaona, Eprōļ 2013, 7).
Kōjparok jān rilale sip eo. Jisōs Kraist Ej Jabōt eo em̧m̧an eo ekar lo̧mo̧o̧ren kōj. Ekar en̄taan im mej bwe jen maron̄ eļļā jān jerawiwi im mej im jepļaak n̄an ippān Jemedwōj Ilan̄. Ilo ad itok n̄an Kraist im jej pokake kien ko An, Ej kōjeram̧m̧an, tōl, im kōjparok kōj jim̧or juon ilo̧k juon im āinwōt armej ro An rej armej in bujen.