Bag-ong mga Lider Gipaluyohan

Lima ka bag-ong mga General Authority gipaluyohan atol sa kinatibuk-ang komperensya, nga moserbisyo sa Unang Korum sa Seventy. Sila si Elder Kim B. Clark, Elder Allen D. Haynie, Elder Von G. Keetch, Elder Hugo Montoya, ug Elder Vern P. Stanfill.

Gipaluyohan usab ang bag-ong kinatibuk-ang kapangulohan sa Young Men. Si Stephen W. Owen moserbisyo isip presidente; Douglas D. Holmes, unang magtatambag; ug M. Joseph Brough, ikaduhang magtatambag.

Usa ka bag-ong magtatambag sa kinatibuk-ang kapangulohan sa Primary gipaluyohan usab. Si Mary R. Durham gi-call nga moserbisyo isip ikaduhang magtatambag. Si Rosemary M. Wixom magpadayon sa pagserbisyo isip presidente, ug Cheryl A. Esplin, kinsa kanhi nagserbisyo isip ikaduhang magtatambag, moserbisyo karon isip unang magtatambag.

Ang mga biography sa bag-ong natawag nga mga lider mabasa sa mga pahina 140–144.