Si Presidente Eyring sa Vatican Summit

Si Presidente Henry B. Eyring, Unang Magtatambag sa Unang Kapangulohan, nanawagan alang sa “pagpalambo sa malipayong kaminyoon” panahon sa international interreligious summit sa Vatican City nga gipasiugdahan sa Simbahang Katoliko niadtong Nobyembre 18, 2014. Ang kalihokan, giulohan og “The Complementarity of Man and Woman,” nakapahiusa sa mga lider sa relihiyon gikan sa 14 ka mga tinuohan ug sa 23 ka nasud.

“Ang lalaki ug babaye, nahiusa diha sa kaminyoon, adunay dili matupngan nga gahum sa pagmugna og kalipay para sa ilang kaugalingon, sa ilang pamilya, ug sa mga tawo nga naglibut kanila,” miingon si Presidente Eyring.