?Wanem nao yu laekem moa taem yu kam wan memba blong Jos?

Mi laekem long taem blong sakramen, yumi stap tekem bred mo wota blong stap tingbaot Jisas Kraes. Bred i mekem yumi tingbaot bodi blong Hem, mo wota i mekem yumi tingbaot blad blong Hem. Taem yumi tekem sakramen, yumi save sarem ol ae blong yumi mo tingbaot evri samting we Jisas i bin mekem blong yumi.

Ava J., 9 yia, Not Karolina, YSA

Olsem blong save se ol famle oli save stap tugeta blong oltaem. (Renee)

Mi save gat ol fren, mi save ridim ol skripja evri dei, mo mi save lanem gospel. (Ralf)

Renee and Ralf E., 9 mo 10 yia, Metro Manila, Filipin

Mi lavem taem mi filim Tabu Spirit. Mi save filim gud Tabu Spirit taem mi stap lisin long ol toktok mo ol lesen. Mi filim tu taem mi helpem ol narafala man.

Kaili C., 7 yia, Vejinia, YSA

Samting we mi laekem blong mekem hem i we yumi save lanem mo pleplei semtaem, mo yumi save lanem moa abaot Jisas Kraes. olsem lanem abaot Hem from Hem i Sevya blong mi. (Lis)

Mi laekem blong lanem abaot Jisas, mo mi save se Jisas i lavem yumi. (Lalo)

Lis mo Lalo, 8 mo 6 yia, Kalifonia, YSA

Mi lavem tumas blong stap go long Praemeri mo singsing ol song.

Haiden H., 5 yia, Yuta, YSA

Mi laekem blong lanem abaot Jisas Kraes, mo mi laekem blong stap go long Praemeri mo gat ol fren.

Katrin W., 7 yia, Not Karolina, YSA

Mi laekem se mi save gat plante niu fren mo mi save tijim ol fren blong mi we oli no memba abaot gospel. Mi gat janis blong lisin long jenerol konfrens mo lisin blong profet mo ol Aposol i toktok. Famle haos naet i wan taem blong fan tu, from samtaem mifala i go aot kakae aes krim. !Yam!

Savana H., 12 yia, Wasington, YSA