Sam Tingting blong Famle Haos Naet

Magasin ia i gat ol stori mo ol aktiviti we oli save yusum long famle haos naet. Wanem i kam afta hem i tu tingting blong yusum

“Stap Selebretem Famle Haos Naet,” pej 26: !Sapos yu neva mestem wan wik o hemia i fastaem we yu traem, gat tingting ia blong gat wan spesel famle haos naet blong givim ona long famle haos naet! Yu save ridim stori ia blong luk olsem wanem ol famle raon long wol i stap glad blong spendem taem wetem wanwan long olgeta taem oli stap lanem gospel. Gat tingting ia blong storian raon long olsem wanem bae yu kasem gol blong yu blong stap mekem famle haos naet. ?Wanem nao yu nidim blong yusum blong ansarem ol nid blong famle blong yu? Olsem wan famle, ating bae yu komitim yufala bakegen blong mekem 100 yia tradisen wan fas samting long hom blong yuwan, nomata wanem situesen.

Pikja i kam long Mak Jamen

“Stap Faenem Help,” pej 72: Gat tingting ia blong ridim stori tugeta olsem wan famle mo afta storian raon yusum ol kwestin ia: (1) ?Wanem ol kaen pikja o midia we ating ol pikinini i stap yusum? (2) ?Wijwan long ol samting ia i nogud blong yumi blong stap luk, o no karemaot ae long hem? (3) ?Wanem nao wan man/woman i mekem long wan taem we oli luk o harem samting we oli save se oli no mas luk o harem? Toktok raon long ol defren wei we i stap long “!O No!” ?Wanem Nao?” long pej 74 sapos yu nidim help wetem sam tingting (blong kamaot long situesen ia, toktok long papa mo mama, stap mekem seves, mo sam moa.)