Mi Prea From Rod Bong Mi Blong Go Long Rotuma
Jon K. Muara, Niu Saot Wels, Ostrelia
(Man we i wraetem storian ia i ded finis.)
Pikja i kam long Alen Kans
“Bot iaWestalan i lego ples ia yestedei finis,” waef blong brata blong mi i talem, taem hem i sekhan long mifala long Nadi Intanasonal eapot long Fiji.
Mi harem nogud mo no glad long nius ia, Bot ia MV Westalan i bot we i sud tekem mifala i go luk bigfala brata blong mi long Rotuma Aelan. Rotuma hem i stap kolosap 375 mael (600 km) notwes blong Viti Levu, hem i bigfala aelan aot long ol aelan blong Fiji. Spos yu mestem bot ia, bae yu mas wet blong samfala dei o samtaem plante wik blong nekis bot i kam.
Wan yia bifo long taem ia, mi bin go long Rotuma blong helpem brata blong mi blong fiksim haos blong apu woman blong mifala, mo mi livim brata blong mi from wan rao we mitufala i gat long taem blong wok. Naoia mi wantem blong luk fes blong hem mo talem bigfala sori blong mi long hem.
Wan wik bifo, woman blong mi, Akata, mo mi i flae long Ostralia blong go long Fiji, smol ankel blong mi i talem long mi se bot ia Westalan bae aot blong go long Rotuma wan dei bifo mitufala i kasem Fiji. Kwik taem nomom mi ringim ofis blong bot ia mo plis long olgeta blong holem taet trip ia blong tu dei bageken.
“No, bae mifala i no save mekem,” hem i ansa blong olgeta. “Kaonsel blong Rotuma Aeland i bin mekem rere kaekae blong welkam, mo bot i nidim blong aot olsem we i stap long plan.”
Wan tingting i kam long maen blong mi, mo mi disaed blong livim kakae mo prea.
“Dia Papa long Heven,” Mi prea, “Mi wantem tumas blong folem bot ia i go long Rotuma. Mi biliv se olgeta bae no save stap wan o tu dei, be Yu yu gat paoa blong mekem i hapen. ?Plis Yu save tekem aot wan skuu nomo long wan ples long bot ia blong olgeta i no save aot, mo afta mi save folem olgeta? Mi nidim blong go long Rotuma blong mi mo brata blong mi i taelm sori.
Afta we mifala i harem rabis nius ia se bot i lego finis, mifala i go long wan moa wof narasaed long aelan. Be long we, mifala i finem aot se bot ia i bin gat problem long enjin blong hem mo no save aot yet. !Papa long Heven i bin ansa long prea blong mi! Olsem we i stap, hem i bin ful enjin—i no bin wan skru nomo—olgeta i karem aot ful enjin blong fiksimap wan bigfala ples we oel i lik long hem.
Taem we bot i rere blong aot wan wik afta, mi mi stap long bot ia. Taem mi kasem Rotuma, Mi hang long brata blong mi mo talem sori, mo mitfala i putum bak rilesensip blong mitufala. Hem i wan dei blong glad mo selebret.
Bae mi taelm tangkyu oltaem from wan gudfala ekperiens blong sprirt mo from gospel blong Jisas Kraes we i kam bak. Hem i wan testemoni se merikol ol stap hapen yet tedei, se Papa long Heven i laef mo i stap ansarem ol tru prea, se prea mo fasin blong livim kakae i go tugeta, mo we gospel ia i tru—iven long wan smol vilij long wan smol aelan blong Rotuma.