Hiki Hake ʻe he Kau Ako Seminelí ʻa ʻEnau Akó

ʻOku tali lelei ʻe he kau ako seminelí ʻa e ngaahi fie maʻu ne fakahoko ʻi he taʻu kuo ʻosí ki hono hiki hake ʻo e ngaahi fie maʻu ki he fakaʻosi akó. Naʻe toki tukuange mai kimuí ni ha ngaahi fakamatala fakafika ʻoku hā ai naʻe lavaʻi ʻe ha peseti ʻe 81 ʻo e kau ako ne lesisitá ʻa e sivi ʻi he fakaʻosinga ʻo e semesitaá, hiki hake ʻa e tokolahi ʻo e maʻu akó mei he peseti ʻe 71 ki he 77, pea meimei peseti ʻe 80 ʻa e kau ako ne nau fakahoko ʻa e ngaahi laukonga ne fie maʻu ke fakahokó.

ʻOku fakaʻatā ʻe he ngaahi fie maʻu foʻoú ke fakamamafaʻi ʻe he kau faiakó ʻa e ngaahi tokāteline mahuʻingá ʻi heʻenau faiakó, pea fakaʻatā e kau akó ʻi he taimi tatau ke tuku ʻenau tokangá ki he ngaahi tokāteline tatau.

ʻOku fakafuofua ki ha kau talavou mo e kau finemui ʻe toko 400,000 nai ʻoku kau ki he seminelí ʻi he funga ʻo e mamaní.