Maʻá e Kau Taautaha Kei Talavoú

Ko e meʻa ʻeni ne lea ʻaki ʻe ha kau lea ʻe toko tolu o fekauʻaki mo e tāutahá:

“Ko e lolotongá, ko e konga ia ʻo e taʻengatá. ʻOku ʻikai toki kamata ia hili ʻetau maté! ʻE fakaava ʻe he tuí mo e ʻamanaki leleí ho matá ki he fiefia ʻoku ʻi muʻa ʻiate koe he taimi ní.”—Palesiteni Dieter F. Uchtdorf, “Ko Ha Faʻahitaʻu Māfana mo Lose ko e Tokoua ʻEku Kui-uá,” 19.
“Ko ha fokoutua fakamamahi ʻe taha ʻa e nofo taʻemalí. ʻOku totonu ke manatuʻi ʻe kinautolu ʻoku tofanga ʻi he tuʻunga ko ʻení naʻe foua ʻe hotau Fakamoʻuí ʻa e faʻahinga mamahí ni foki, pea tuʻunga ʻi Heʻene Fakaleleí ʻa ʻEne foaki mai e ivi ke fuesia iá.”—ʻEletā Dallin H. Oaks, “Fakamālohia ʻe he Fakalelei ʻa Sīsū Kalaisí,” 63.
“Faʻa-kātaki. Fakaongoongo ki he ʻEikí. ʻOku ou fakamoʻoni ʻoku ʻafioʻi ʻe he ʻEikí hoʻo ngaahi holí pea ʻokú Ne ʻofeina koe ʻi hoʻo tauhi mateaki kiate Iá. ʻOku ʻi ai ʻEne palani maʻau, ʻo tatau ai pē pe ʻe hoko ia he moʻui ko ʻení pe ko e maama ka hokó. Fakafanongo ki Hono Laumālié. … ʻE fakahoko ʻEne ngaahi talaʻofá ʻi he moʻuí ni pe moʻui ka hokó.”—ʻEletā Robert D. Hales, “Ko e Fehangahangai mo e Faingataʻa ʻo e Māmaní he ʻAho Ní,” 46.