ʻEletā Joaquin E. Costa

Fitungofulu Taki Māʻolunga

Naʻe hanga ʻe ha kaungāmeʻa ʻo Joaquin Esteban Costa ʻo fokotuʻu ia ʻi he hala ke ului ai ki he ongoongolelei ʻo Sīsū Kalaisí, mali temipale pea hoko ko ha takimuʻa ʻi he Siasí.

Naʻe fāʻeleʻi ʻa Soakeni Kositā ʻi heʻaho 8 ʻo Māʻasi 1965, kia Eduardo J. Costa mo Graciela M. Fassi. ʻI heʻene kei ako ʻunivēsiti ʻi Puenosi ʻAealesi, ʻi ʻĀsenitiná, naʻe hanga ai ʻe hono kaungāmeʻa ko Alin Spannaus, ko ha Fitungofulu Fakaʻēlia he taimí ni, ʻo fakafeʻiloaki ia kia Renee Varela. Ko Leneí ko ha toʻu tangata fika ua ia ke kau ki he Siasí, ka naʻá ne momou kimuʻa peá ne toki tali ke teiti mo e talavou taʻu 21 ne teʻeki ai kau ki he Siasí. Hili haʻana teiti tuʻo tolu, naʻe “fuʻu saiʻia ai” e taʻahiné peá ne ongoʻi ʻoku ʻikai totonu ke na toe teiti. ʻI he fakaʻosinga ʻo e taʻu fakaako ko iá, naʻá ne foki ki hono kolo tupuʻangá ki Entre Rios, ʻĀsenitina.

Naʻe tali ʻe Lenei ha ui ke ne ngāue fakafaifekau ʻi he Misiona Chile Osorno. Hili ʻene toe foki ki ʻapí, naʻe fokotuʻutuʻu ai ʻe Misa Sipānesi ke na fetauulaki mo Soakeni he paati tatau pē, pea toe kole teiti ange ai ʻa Soakenihome, Brother Spannaus arranged for her and . ʻOku pehē ʻe Sisitā Kositā, “Ne u lotua ia peá u pehē pē ke toe ʻoange hano faingamālie.”

Ne ʻikai fuoloa kuo ako ʻa Soakeni ʻo kau ki he Siasí. ʻI heʻene ako mo e kau faifekaú, naʻe kole ange ʻe Lenei ke ne lotu pea lau ke ʻosi e Tohi ʻa Molomoná.

ʻOku pehē ʻe Sisitā Kositā, “Naʻá ne maʻu ʻe ia ha fakamoʻoni mālohi ʻoku teʻeki ai ʻosi e tohí heʻene lau.” “Naʻe ʻikai ke ne papitaisó koeʻuhí ko au. Naʻá ma toe teiti ai ʻi ha taʻu ʻe taha peá na toki mali ʻi he Temipale Buenos Aires Argentina ʻi he 1989.”

Naʻe maʻu ʻe ʻEletā Kositā hono mataʻitohi BA he ʻekonōmiká ʻi he 1987 mei he ʻUnivēsiti Puenosi ʻAealesí. ʻI heʻena hoko ko ha ongomātuʻa mali kei talavoú, naʻá na hiki ai ki Polovo, ʻIutā, USA ʻo maʻu ai hono mataʻitohi MA ʻi he fakalele pisinisí mei he ʻUnivēsiti Pilikihami ʻIongí ʻi he 1994. Naʻá ne nofo mo hono fāmili tupu tokolahí, ʻa ia ne kau ai ha fānau ʻe toko fā, ʻi Sikākou, ʻIlinoisi, USA lolotonga ʻene ngāue ki ha kautaha pangikē ʻinivesimeni fakatuʻapuleʻanga mo ha kautaha ngāue fakapaʻanga. Naʻe hanga ʻe heʻene ngāue fakapangikeé ʻo toe fakafoki hono fāmili ki ʻAsenitina ʻi he ngaahi taʻu siʻi pea mei ai ki he Seki Lupepuliká pea mei ai ki he Sultanate of Oman. ʻI he taʻu ʻe ua kuohilí, naʻá ne nofo ai mo hono fāmilí ʻi Lima, Pelū ʻo ne ngāue ai ki ha kautaha ʻinivesimeni Tenimaʻake ne nau fakatefito ʻi he microfinance.