Tāpuaki Fakapēteliaké ʻi he ʻInitanetí

ʻOku ʻi ai ha polokalama foʻou he ʻinitanetí ʻe lava ke faingofua ange ai hono maʻu ʻe he kāingalotú ʻa e ngaahi tāpuaki fakapēteliaké. ʻE lava ke kole ʻe he kāingalotú ha tatau fakaʻilekitulōnika ʻo honau tāpuaki fakapēteliaké pea mo nau kole ha tatau ʻo e ngaahi tāpuaki ʻenau ngaahi kui kuo pekiá (ʻi he meilí pe ʻīmeilí). ʻE lava ke fakahū ʻe he kau taki lakanga fakataulaʻeikí ʻi he ʻinitanetí ha ngaahi fakaongoongolelei ki he ngaahi tāpuakí, pea ʻe lava ke mamata e kau pēteliaké ki he ngaahi fakaongoongolelei ki he ngaahi tāpuakí ni pea nau fakahū pē ha tatau tohi fakaʻilekitulōnika ʻo e tāpuakí hili hono foakí.

ʻOku lava ke maʻu atu he taimí ni e ngaahi polokalama foʻou ko ʻení ki ha peseti ʻe 50 pe lahi ange ʻo e ngaahi siteiki ʻi he Siasí ʻi he lea faka-Pilitāniá, Sipeiní mo e Potukalí. ʻI he taʻu foʻou, ʻoku totonu ke maʻu atu ia ʻi ha lea fakafonua ʻe 14 pea ki he ngaahi siteiki kotoa pē.