Toe Maʻu ha Pulusinga Lahi ange ʻo e Folofolá

Kuo ʻi ai ha ngaahi lea fakafonua kehekehe ne toki lava ke maʻu atu ai e folofolá.

ʻI he lea faka-Potukalí, ne paaki ai ha tatau ʻo e Tohi Tapú pea lava ke maʻu he taimí ni mo e ngaahi folofola ʻe tolu ʻoku fakatahaʻí ʻi he paaki fakamuimuitahá. ʻOku ʻi ai foki ha paaki fakaʻilekitulōnika ne lava ke maʻu talu mei Sepitema 2015 mei he asescrituras.lds.org pea ʻi he polokalama Gospel Library ki he device toʻotoʻó. ʻE lava foki ke maʻu mo ha fakamatala lahi ange he lea faka-Potukalí mei he bibliasagrada.lds.org.

ʻI he lea faka-Sipeiní, ʻe lava ke maʻu mei he ʻinitanetí e tatau ʻo e ngaahi folofola ʻoku fakaʻaongaʻi ʻe he Siasí, mei he escrituras.lds.org mo e polokalama Gospel Library ki he device toʻotoʻó. ʻE kava ke maʻu atu e ngaahi tatau pākí, ʻi he fakaʻosinga ʻo Sune 2016.

Kuo paaki pea lava ke maʻu he taimí ni mei he ngaahi senitā tufakiʻanga nāunaú pea mo e store.lds.org ha tatau foʻou ʻo e tohi folofola ʻe tolu kuo fakatahaʻí ʻi he lea faka-Māsoló, Shosa mo e Zulu. ʻOku toe maʻu atu foki ia ʻi he ʻinitanetí pea mo e Gospel Library mobile app.

Naʻe toe pulusi foki ha ngaahi folofola kuo liliu ki ha toe lea fakafonua kehe ʻe 16 ʻi he LDS.org pea mo e Gospel Library app: ko e triple combination ʻi he lea Afrikaans, Armenian, Bulgarian, Cambodian, Fante, Igbo, Latvian, Lithuanian, Shona, mo e Swahili; pea mo e Tohi ʻa Molomoná ʻi he lea Hindi, Hmong, Serbian, Tok Pisin, Twi, mo e Yapese.