Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ehemplo.

“Mamatay na ba Ko?” pahina 12: Ang pagkasabut sa plano sa kaluwasan importante sa atong mahangturong kauswagan. Mahimo ninyong tun-an ang plano pinaagi sa pagbasa sa mga kasulatan sama sa 2 Nephi 2:22–25; 9:10–11; Alma 34:32–33; 40:11–14; 42:5–15; o Doktrina ug mga Pakigsaad 76:30–113. Makahimo kamo og dayagram pinaagi sa pagpuli-puli sa pagdrowing sa kada bahin sa plano sa kasulatan samtang kini gihisgutan sa matag kasulatan (tan-awa sa pahina 54 sa Isangyaw ang Akong Ebanghelyo alang sa usa ka ehemplo sa dayagram). Mahimo usab ninyong praktison ang pagtudlo sa mga baruganan ngadto sa usag usa aron kamo yanong makapasabut sa plano sa kaluwasan ngadto sa usa ka tawo nga dunay pangutana bahin niini.

“Pangitaon, Dad-on, Itudlo: Apil sa Hagit sa Templo,” pahina 54: Gidawat na ba ninyo ang hagit? Ang mga Apostoles sa Ginoo midapit natong tanan sa “pag-andam og daghang mga pangalan alang sa templo isip bunyag nga inyong ipahigayon sa templo, ug pagtabang og tawo sa pagbuhat sa ingon,” ug mahimo ninyo kini isip pamilya! Aron makahibalo pa mahitungod sa hagit, bisitaha ang templechallenge.lds.org ug diskobrihi ang pipila ka mga step-by-step family history tip. Mahimo ninyong igahin ang umaabut nga mga family home evening pag-andam og mga pangalan alang sa templo ug pagtudlo sa mga higala sa pagbuhat sa ilang kaugalingong family history.