Pagkaplag og Kalinaw atol sa Sakrament
Paghulagway pinaagi ni Allen Garns
Isip usa ka batan-ong inahan naglisud ko sa pagpangita og panahon sa kalinaw atol sa busy kaayong mga adlaw kon ang kinabuhi puno sa pag-atiman sa lima ka aktibo ug sipat nga mga anak. Makapahulay lang ko og 5 o 10 minutos, apan gikalipay nako kining ginagmay nga tipik sa kahilom.
Kasagaran moduol ko sa Langitnong Amahan pinaagi sa pag-ampo, mangayo og kalig-on, pailub, ug kalinaw. Ang matag Dominggo mao ang pagdali-dali sa pagpasuso, pag-ilis sa bata, ug pagdumala sa mga magulang nga bata para maandam sa simbahan. Sa sukwahi, nianang busy nga Dominggo nakita nako ang solusyon.
Samtang naminaw ko sa mga pag-ampo sa sakrament nianang adlawa, ang mga pulong ingon og makahuluganon kaayo: “… nga sila unta sa kanunay makabaton sa iyang Espiritu uban kanila” (D&P 20:77).
Gihatagan ako sa katungod nga makabaton sa Espiritu sa Ginoo sa pag-uban kanako. Wala gayud ako makamatikod kaniadto sa kamahinungdanon niana nga saad?
Ang sakrament nahimo nga hilum, mapamalandungon nga panahon ikumpara sa saba nakong kinabuhi. Diha sa ordinansa sa sakrament, akong nakaplagan ang kalinaw nga akong gitinguha.
Bisan og mobiya man ko sa sakrament sa walay kaluyahan nga bata human sa pag-ambit sa pan ug sa tubig, akong siguroon nga didto ako alang nianang espesyal nga panahon sa paghinumdom. Akong gilantaw kana nga bililhong mga panahon uban sa tinguha nga wala pa nako masinati kaniadto.
Karon nga nanagko na ang akong mga anak, nagtagamtan na ko sa kaanindot sa mas daghang hilum nga mga panahon. Bisan pa, gihandom gihapon nako kadtong mga panahona nga gigahin sa pag-ambit sa sakrament.