Mga Tubag gikan sa mga Lider sa Simbahan

Unsaon sa Pag-usab

Ni Elder Jeffrey R. Holland

Sa Korum sa Napulog Duha ka mga Apostoles

Gikan sa usa ka debosyonal nga pakigpulong nga gihatag didto sa Brigham Young University niadtong Marso 18, 1980.

Kon ikaw nakasala ug miangkon sa kabug-at sa imong mga kasaypanan, ang imong labing mahinungdanon nga hagit mao ang pagtuo nga ikaw mahimong mag-usab, nga usa ka lahi nga ikaw. Ang dili pagtuo niana klaro nga kana usa ka Yawan-on nga himan gihimo sa pagpahiubos ug paglupig nimo. Ang Paghinulsol dili dautan nga pulong. Mao kini, human sa hugot nga pagtuo, ang labing makapadasig nga pulong diha sa bokabularyo sa Kristiyano. Mahimo ka nga mag-usab! Mahimo nimo ang bisan unsa nga gusto nimong himoon sa katarung.

Kon adunay usa ka pagbangutan nga dili nako maagwanta, mao ang makalolooy, huyang nga paghilak, “Aw, ingon ana naman gyud ko.” Kon gusto ka nga makig-istorya bahin sa makapawala sa kadasig nga kinaiya, mao kana ang makapaluya kanako. Palihug ayaw ko og iapil sa imong mga istorya mahitungod sa “Ingon ana naman gyud ko” nakadungog nako niana sa daghan kaayong tawo kinsa gustong makasala ug motawag niini nga psychology. Ug ako mogamit sa pulong sala aron pagtabon sa daghan kaayong kinaiya nga makapawala sa kadasig ug makapaduhaduha ug makapawala sa paglaum.

Makausab ka sa bisan unsa nga gusto nimong usbon ug mahimo nimo kana dihadiha dayon. Lain kining yawan-ong bakak nga motuo nga magkinahanglan og daghang katuigan ug kahangturan ang paghinulsol. Mao gyud ingon kadugay maghinulsol hangtud ikaw moingon “ako mag-usab”—ug mao gayud kini. Siyempre naay mga problema sa pagbuhat ug mga pagpahiuli nga himoon. Mahimong maayo nimo nga nagahinan—gayud, mas maayo nimong nagahinan—sa tibuok nimong kinabuhi sa pagmatuod sa imong paghinulsol pinaagi sa kapermanente niini. Apan ang kausaban, paglambo, pagbag-o, paghinulsol moabut kaninyo diha-diha sama ni Alma ug sa mga anak nga lalaki ni Mosiah.

Ayaw saypa sa pagsabut. Ang paghinulsol dili sayon o walay sakit o haruhay. Mahimo nga kini usa ka mapait nga kopa gikan sa impyerno. Apan si Satanas lamang ang hinungdan nga ikaw maghunahuna sa usa ka mahinungdanon ug gikinahanglan nga pag-angkon sa sala walay lami kay sa magpabilin sa sala. Siya lang ang moingon, “Dili naka mausab. Dili ka mahimong mag-usab. Dugay kaayo ug lisud kaayo kining pag-usab. Undang na. Sugot na. Ayaw paghinulsol. Ingon na man gyud ka niana.” Kana, mga higala, usa ka bakak naggikan sa ka walay paglaum. Ayaw padala niana.