Taliaina o le Lu’i a se Perofeta
Sa siitia atu lo matou aiga i Amerika mai Filipaina ina ua 11 ou tausaga. I le taimi muamua, sa faigata ona lava ona ou masani ai. Ae o le taimi lava na ou iloa ai tautala i le Igilisi, sa vave lava ona ou faaaogaina le aganuu lauiloa. Sa ou fiafia i le faalogologo i musika o le siva vave, faataitai i sitaili eseese [o le teuga] o lauulu, ma le ofuina o lavalava o sitaili aupito fou. Sa le’i i ai sa’u molimau. Nai lo lena, sa i ai so’u uiga faalogogata.
Sa suia lo’u olaga ina ua ou filifili e talia le lu’i a le perofeta, e faitau ma suesue ma le faamaoni le Tusi a Mamona. Sa ou faitauina le tusi mai lava i le amataga e oo i le faaiuga. Sa lelei ma matagofie, ae sa ou le mautinoa lava pe ua moni.
Faatasi ai ma le popole, sa ou faataitaia ai le folafolaga a Moronae i le Moronae 10:4–5. Sa ou faamoemoe e faaali mai ni agelu, ae sa leai se mea na tupu. Ou te mafaufau, “Ua pau ai lena?”
E ui i lo’u le fiafia, ae sa faaauau pea ona ou suesue i le tusi. I se tasi po, sa fai ai la’u miti e uiga i le Tusi a Mamona. Ina ua ou ala ae, sa ou lagonaina se mu i totonu o lo’u loto, filemu o le mafaufau, ma le faamautinoaga. Sa ou mafaufau, “O lea la. O lau tali lenei.”
Ina ua mavae lena aafiaga, sa faapea ona faateteleina lo’u mautinoa. Sa lelei atu au aoaoga, auai i le tele o gaoioiga a le aoga, ma, o le mea aupito taua, sa avea [au] ma tagata sili ona malosi i le Ekalesia. O loo faaauau pea ona ou suesue i le Tusi a Mamona ma faaaoga ona aoaoga i lo’u olaga. O aafiaga sa ou maua a o faitauina le Tusi a Mamona, sa avea ma taula ia te au i lo’u olaga.