O le a se mea e tatau ona ou faia pe afai e fesiligia e aiga vavalalata ma uo le Ekalesia ma o ese ai?

Afai e amata e tagata e latalata atu ia te oe ona fesiligia pe moni le Ekalesia, ia alofa ia i latou ma ia e tumau malosi pea. A latou talanoa atu ia te oe e uiga i le Ekalesia, ia taulai atu i mea o loo latou manatu i ai, ae le o le taumafai e faamaonia e sao oe. Aua nei faia ia latou lagona le maasiasi ona o le i ai o a latou fesili po o masalosaloga. Aua e te le fiafia pe tiga, e tusa lava po o ou lagona na. Afai e mafai, talanoa malie atu ia i latou e uiga i a latou fesili, ma taumafai e fesoasoani ia i latou ia maua tali ma ia taofimau i le faatuatua, talitonuga, ma a latou molimau o loo i ai (mo se fesoasoani, tagai i le lds.org/go/91763).

Afai e le toe manao se tagata i se mea e faatatau i le Ekalesia, e le faapea ai la e tatau ona muta ai la oulua fegalegaleaiga. Ia alofa ia i latou, ia agalelei atu ia i latou, ma tatalo mo i latou. Afai tou te le o toe aufaatasi i le Ekalesia ma le talalelei, ia taofimau i mea o loo outou aufaatasi ai. Ia faailoa atu e te alofa ia i latou, ae le na o a latou fegalegaleaiga ma le Ekalesia. Ae aua foi nei e faatuutuu i au lava sini faaleagaga. Taumafai e siiae i latou i luga, ae aua le tuu atu ia i latou e e aumai oe i lalo.