2018
E 6 na iVakatakilakila ni Lako Sivia Ena Rawa ni Veisautaki na Nomu Rai me Baleta na Siganimate
April 2018

E 6 na iVakatakilakila ni Lako Sivia Ena Rawa ni Veisautaki na Nomu Rai me Baleta na Siganimate

Mai vei Valerie Durrant

Mekasini ni Lotu

Nida vakananuma na ivakatakilakila ni Lako Sivia, na noda kila kei na reki ni tuvaki dina ni Tucake tale ena vakatitobutaki.

table set with passover meal

Au dau taleitaka na Siganimate, e dua na siga ni vakacagicagi e vakananumi kina na nona vakabulai ira na luve ni Kalou mai na bobula kei na mate kei eli o Jisu Karisito.

Ia, ena 1,500 na yabaki ni se bera na Tucake tale, e dua na siga tabu talega e vakananumi kina na nona vabulai ira na Isireli mai na bobula e Ijipita o Jiova.

Na Siganimate e vakananumi kina na veisorovaki solibula ni noda iVakabula; na Lako Sivia e iyaloyalo vata ga. E rau rawa ni vakatitobutaka na noda kila vinaka na Tucake tale mai na mate. E koto e ra e vica na kedrau isema na Lako Sivia kei na Siganimate:

Na Lako Sivia

Siganimate

1. Na iusutu ni Lako Sivia na lami tagane sa sega na kena ca (raica na Lako Yani 12:5), ka me kakua ni musu e dua na kena sui (raica na Lako Yani 12:46).

1. Sa Lami ni Kalou o Jisu (raica na Joni 1:29), sa galala mai na ivalavala ca ka sega ni kamusu e dua na suina (raica na Joni 19:36).

2. Na madrai sa sega ni vakaleveni, ka tawadukadukali (raica na Bible Dictionary, “Leaven”), e sala vata kei na kana ni Lako Sivia (raica na Lako Yani 12:8, 15).

2. Sai Madrai ni Bula o Jisu, ko koya sa tawadukadukali (raica na Joni 6:35).

3. E ivakatakilakila ni nodra vakabobulataki na Isireli na, co gaga, ka sala vata kei na kana ni Lako Sivia (raica na Lako Yani 12:8).

3. Eda na rawa ni tiki ni veivakabobulataki ni valavala ca, ia, baleta ni sa gunu mai na bilo wiwi (raica na V&V 19:18), eda rawa ni lako sivita ena vuku ni Nona Veisorovaki (raica na 1 Koronica 15:22).

4. Na kana ni Lako Sivia me na vakayacori vakatotolo sara (raica na Lako Yani 12:11).

4. E a vakarautaki vakatotolo na yagona na iVakabula me bulu (raica na Joni 19:31).

5. O ira na dauvakabauta era boroya na dra ni lami ena nodra mata ni katuba era vakabulai mai na mate vakayago (raica na Lako Yani 12:7, 13).

5. O ira na dauvakabauta na ivakatakilakila ni dra ni lami ena veimacawa ni sakaramede ka “dau nanumi koya” (V&V 20:77, 79) ena rawa ni vakabulai mai mate vakayalo ka vakayago talega (raica na Mosaia 4:2).

6. Na siga ni ra sa vakarusai oti na ulumatua, esa soli yani na veivakagalalataki vei ira na Isireli era bobula tu (raica na Lako Yani 12:29–32).

6. Na siga e tarava ni sa vakamatei oti na Ulumatua, e a solia yani na veivakagalalataki vei ira na bobula ena Vuravura ni Yalo (raica na V&V 138:18, 31, 42).