Vakila ni sa Tiko tale e Vale

Judy Rascher, Colorado, USA

Au a sega niu vakarau tu meu ciqoma na qiri mai vei taciqu. “Sa takali o nana,” e kaya mai. “A lutu na caqou na uluna.”

Au Kidacala. Sa takali o tinaqu, kau se qai vosa tikoga vua ena bogi ka dua. Au vakatarogi au tiko ga na cava e yaco tiko kina oqo. E sega ni vakaibalebale vei au na cava me biuti au kina. Au a cudru! Au sa cudru tu ga ka vica vata na macawa.

Au sa qai kila mai, meu na beitaki cei. E bale vua na Kalou. E kauti koya mai vakatotolo vei au o Koya. E calata e levu na veika lelevu ena noqu bula o tinaqu, kau nanuma ni sa baleti Koya. Au a sega ni lewe ni Lotu ena gauna oya, ia au lotu Vakarisito gumatua. E sega ni nuitaka na Kalou me vakaukauwataki au, kau sa mani vakanadakui Koya ka sogota mai Vua na noqu bula.

Sa dua na ka na noqu sa gadreva na tinaqu. Niu sa tubucake tiko mai na noqu vuvale kei rau na noqu itubutubu e vanua taqomaki sara. Me vakacava sara na yawaq ni vanua se na veika cava ga au cakava tiko, ena veigauna kece au vosa vei na se tiko voli kei koya ena so na gauna, au dau vakila ga niu tu e vale. Ena gauna oqo esa yali na “vakila niu tiko e vale” au dau taleitaka e sa yali.

Esa sivi e vica vata yabaki, ka sa voleka niu vakayalia na noqu vakabauta taucoko. Au saga meu kila na cava e mate kina o tinaqu, ia, e sega ni dua na ka e kauta mai vei au na vakacegu. Sa qai yaco mai vei au ena loma ni dua na macawa na veivakasama oqo, na vakasama oqo e lako wasoma tiko mai ki na noqu vakanananu: au sa gadreva meu rai yani ki lomalagi meu rawa ni kila vinakacake. Au tukuna na veika oqo vua e dua noqu itokani vinaka ka lewe ni Lotu. Sa tarogi au o koya kevaka au via kila vakalevu cake na nona vakabauta.

Au sega ni kidava ena gauna oya, ia na Yalo e vakayadrata na yaloqu mai na dua na moce balavu. Na levu ni veika au vulica me baleta na kosipeli, na levu ni noqu vakila niu sa kunea e dua na vanua sa taqomaki tu. Au vakila ni sa lesu mai na “vakila niu tiko e vale”.

Au a papitaiso ena Me, 2013. Au vakavinavinaka ni lesu mai na noqu vakabautqa. Au sa sega niu vakanadakuia ya Kalou. Au sa mai ciqomi Koya. Au se mosita tu ga na nona sa mai takali o tinaqu, ia, baleta na noqu vakabauta na Kalou, au kila ni na dua na siga au sa na “tiko tale e vale” kei tinaqu kei na noqu matavuvale tawamudu.