Kalapu Lau Tohi ʻa Molomoná

Kau mai ʻaki hono lau e Tohi ʻa Molomoná! Te ke lava ʻo lau ʻiate koe pē, fakataha mo ho fāmilí, pe mo ha kaungāmeʻa. ʻOmai hao laʻi tā hoʻo lau e Tohi ʻa Molomoná pea fakamatala mai ha meʻa kuó ke ako pe talanoa ʻokú ke manako taha ai ʻi he Tohi ʻa Molomoná. ʻOmi ia ʻi he liahona.lds.org (lomiʻi e “Submit an Article”).

Potufolofola ʻo e Māhina ní: Hilamani 5:12

“Manatu, manatu ʻoku makatuʻunga ʻi he maka ʻo hotau Huhuʻí, ʻa ia ko Kalaisi, ko e ʻAlo ʻo e ʻOtuá, kuo pau ke mo langa ai homo makatuʻungá.”

ʻOku lau ʻe hoku fāmilí ʻa e Tohi ʻa Molomoná. ʻOku mau fakatātāʻi ʻi he taimi ʻe niʻihi ʻa e ngaahi talanoá. ʻOku mātuʻaki fakalata ʻeni. ʻOku ou ako fakaʻaho ha ngaahi foʻi lea foʻou mo ha ngaahi meʻa. ʻOku tokoni hono fai e ngaahi meʻá ni ke u tokanga ai ki he houalotu sākalamēnití pea mo e Palaimelí. ʻOkú ne toe tokoniʻi foki au ke u ofi maʻu pē ki hoku fāmilí.

ʻAmalone I., taʻu 7, Nomi Peni, Kemipotia

ʻOku ou saiʻia ʻaupito ʻi hono lau e Tohi ʻa Molomoná talu pē mei hono fakafeʻiloaki mai ia ʻe he ongo faifekaú. Ko e talanoa ʻoku ou manako taha aí ʻoku ʻi he tohi ʻa Mōsaiá, ʻi he taimi ne tataki ai ʻe he Tuʻi ko Penisimaní hono kakaí ʻi heʻene tuí. ʻOku ou loto ke u tuitala mo talangofua ki he ngaahi meʻa ʻoku kole mai ʻe heʻeku ongo mātuʻá ke u faí.

Seinisi S., taʻu 10, Iloilo, ʻOtu Filipainí