Ngaahi Peesi Fakalotofonuá
ʻOku Maʻu ʻe ha ʻApiako ʻi Tonga ʻa e Nāunau Laipeli Hili ʻa e Saikoloné
Ko e tokolahi ‘o e ngaahi ʻapiako ʻi he Puleʻanga ʻo Tongá ne haveki lahi ʻe he Saikolone ko Kitá ʻi he konga ki muʻa ʻo e taʻu ní.
Naʻe toki mamata ʻa e kau fakafofonga mei he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ki he maumau naʻe hoko ʻi ha ʻapiako ʻe taha, ko e Kolisi Takuilau ʻa e Siasi Katoliká.
ʻI he tali ki he maumau mo e molé, naʻe ngāue fakataha ai ʻa e LDS Charities pea mo e Furniture for Schools Charitable Trust ke foaki ha tokoni ki he laipeli ʻa e kolisí ʻo kau ai ʻa e ngaahi tukuʻanga tohi, ngaahi tohi laipeli, ngaahi ʻatalasa mo e ngaahi tesi mo e sea ʻe 50. Naʻe fofonga fiefia ʻa e fānau akó ʻi heʻenau mamata ki he ngaaahi foʻi pulu mo e ngaahi nāunau sipoti kehe ʻa ia naʻe fakakau ʻi he foakí.
ʻOku kei fakafolau ha ngaahi nāunau lahi ange.
Naʻe pehē ʻe Sisitā Sina, ko e taha ia ʻo e kau faiakó, “‘Oku mau fie maʻu ha tokoni lahi. Mālō, mālō, mālō.”
Lolotonga ʻenau ʻaʻahi ki he laipelí fakataha mo e LDS Charities mo e kau fakaafe kehé, naʻá ne fakamatala ki he haea kotoa ʻa e ʻató [lolotonga e saikoloné] pea ʻuha hifo ʻi he poó kakato. Naʻe fakahaofi ʻe he ʻapiakó ʻa e ngaahi tohi ne nau lavá ʻo aʻu pē ki he niʻihi ne ʻi ha tuʻunga fakaʻofa ʻaupitó. Naʻe fakaʻauha ʻa e meimei kotoa ʻo e tukuʻanga tohí ʻi he taimi naʻe holo ai e ʻato ʻo e falé. Naʻe lahi foki mo e ʻū tohi lēsoni naʻe maumaú.