Hello gikan sa Pilipinas!
Ako si Paolo. Ug ako si Margo. Karong tuiga mobiyahe mi sa tibuok kalibutan aron makakat-on mahitungod sa mga anak sa Dios. Apil namo sa among pagbisita sa Pilipinas!
Mga gatusan ka milyon ka mga tawo nagpuyo sa Pilipinas, uban sa daghang makapaikag nga mga hayop!
Walo ka importante nga mga pinulongan ang gisulti sa Pilipinas. Kini nga Basahon ni Mormon giimprita sa pinulongan nga gitawag og Cebuano.
Unsaon nimo sa pag-adto sa simbahan? Ang pipila ka mga pamilya nga Filipino mosakay og jeepney!
Kini mao ang singsing sa CTR sa pinulongan nga Filipino nga gitawag og Tagalog. Ania unsaon sa pagsulti sa “choose the right”: piliin ang tama.
Mao kini ang mga templo sa Cebu City ug Manila. Ug tag-ana unsa? Ikaduha nga templo gitukod sa Manila! Ug mga templo pagatukuron usab sa duha pa ka siyudad, sa Urdaneta ug Cagayan de Oro.
Ang mga bata nga Filipino magdula sa gitawag nga luksong tinik, o “maglukso ibabaw sa mga tunok.” Usa o duha ka bata molingkod sa salog ug ipatong ang ilang mga tiil ug mga kamot sa usag usa. Dayon ang ubang mga bata molukso sa ibabaw nga dili maigo ang gipatong-patong.
Himamata ang pipila sa among mga higala gikan sa Pilipinas!
“Kanunay akong magpaabut sa among pagbasa sa kasulatan sa pamilya sa gabii. Nindot ang akong bation matag higayon nga ako mobasa sa mga kasulatan.”Lanneah D., edad 10, Central Luzon, Philippines
“Sa dihang nakat-on na ko sa pagbasa, mibati ko og kasubo kay dili ako makabasa og paspas. Ang akong mga ginikanan mitabang nako, ug karon ganahan na ko mobasa sa mga kasulatan.”Acumen D., edad 7, Central Luzon, Philippines
Gikan ka ba sa Pilipinas? Sulat kanamo! Ganahan mi nga makadungog!
Salamat sa pagsuhid sa Pilipinas kuyog namo! Magkita ta sa sunod!