Faailoga o le Faapaiaga “Lumanai Maoae”

“O le a i ai se lumanai maoae, le mafaatusalia a le Ekalesia,” na saunoa ai Peresitene Russell M. Nelson i le faapaiaga o le Malumalu o Rome Italia ia Mati 2019. “Ua na o lo tatou fausiaina o se faavae mo le lumanai.”

I le faapaiaga, na potopoto faatasi ai uso uma o le Au Peresitene Sili ma le Korama a Aposetolo e Toasefululua, mo le uluai taimi, i se nofoaga e tasi i fafo atu o le Iunaite Setete. “I le avea ai ma Aposetolo a Iesu Keriso i aso nei,” na saunoa ai Peresitene Nelson, “o le savali o loo tatou faasoaina atu i le asō o le savali lava e tasi lea na faasoa atu e Aposetolo anamua—o loo soifua le Atua ma o Iesu o le Keriso.”

E le gata i le faapaiaina o le malumalu, na saunoa atu foi Peresitene Nelson i le autalavou i le itu o le malumalu ma feiloai ai ma Pope Faranisisi, o se uluai taimi lea ua faia ai se talanoaga aloaia a se Peresitene o le Ekalesia ma le ulu o le Ekalesia Katoliko Roma.

Faitau i manatu faaalia e uiga i le Malumalu o Roma Italia ma tagai i ata mai Roma i le ChurchofJesusChrist.org/prophets-and-apostles.