Faaogatusaina o le Mataupu Aoaoina a le Seminare ma le Sau, Mulimuli Mai ia te A’u
O suesuega o le seminare i le lalolagi atoa o le a le pine ae faaogatusaina ma le mataupu aoaoina ma faasologa o le Sau, Mulimuli Mai ia te A’u, o se suiga o le a faaleleia ai le auala e suesue ai le talalelei e faatotonugalemu i le aiga ma lagolagoina e le Ekalesia e ala i se suesuega tuufaatasia i le fale, Aoga Sa, ma le seminare.
E amata atu i le 2020, o le a suesue e vasega seminare le tusitusiga paia lava e tasi o loo faaaogaina mo le mataupu aoaoina o le Sau, Mulimuli Mai ia te A’u i tausaga taitasi. Nai lo le mulimulitai i se kalena o le tausaga faaleaoga, o le a mulimuli le kosi suesue o le seminare i le kalena faaletausaga.
E ui o suesuega i le seminare o le a faaauau pea ona faavae i tusitusiga paia, o le mataupu aoaoina o le a faatatau atili i aoaoga faavae ma o le a fesoasoani e faamalosia, puipuia, ma saunia le autalavou mo ni misiona, faaipoipoga, ma auaunaga i le Ekalesia.