Jan E. Newman

Fesoasoani Lua i le Au Peresitene Aoao o le Aoga Sa

I le avea ai ma faifeautalai talavou o loo auauna atu i Strasbourg, Farani, na maua e Jan E. Newman se aafiaga faaleagaga lea na faamalosia ai lana molimau ma mafai ai ona ia lagonaina le alofa o le Tama Faalelagi. O lenei aafiaga na oo mai a o ia faitauina upu a le perofeta o Alema i le Tusi a Mamona e faatatau i le totoina o le fatu o le talalelei i o tatou loto (tagai Alema 32:28; 33:22–23).

“Na ou faitau e faapea afai e te faia se avanoa mo lena fatu i lou loto, o le tupu, ma o le a e lagona moni le malena a’e o nei lagona,” na saunoa ai Brother Newman. “Ou te manatua le faitauina o lena mea ma le molimau malosi tele mai o le Agaga ia te a’u e moni. Na ou lagonaina na [lagona] o le malena a’e. O le a le galo lava lena mea i lo’u olaga atoa.”

O lenei [lagona] ma isi aafiaga na fesoasoani e faamalosia ai le molimau o le talalelei a Brother Newman ma saunia ai o ia mo se auaunaga o le olaga atoa o se tane, tamā, ma se soo o Iesu Keriso.

Na soifua mai Jan Eric Newman i le aso 16 o Aperila, 1960, i Jerome, Idaho, ISA, ia George Raymond ma Dora Walker Newman. Na tausia a’e o ia i Overton, Nevada, ISA. O lona tamā o se tagata liliu mai, o lona tinā o se tagata o le Au Paia o Aso e Gata Ai mo le tele o augatupulaga.

Na ia atiae se molimau i le laitiiti o ona tausaga ma auauna atu o se faifeautalai faamisiona i Farani ma Peleseuma. Ina ua maea lana misiona, na maua e Brother Newman se faailoga o le tagata malaga i le faaFarani mai le Iunivesite o Polika Iaga. Na matuai fiafia tele o ia i lana faailoga lea na ia mafaufau ai e avea ma se faiaoga o le gagana Farani ae nai lo lena na [ia] filifili e tulitulimatagauina se galuega i le kamupani o polokalama [komepiuta]. Sa ia galue o se tagata faipisinisi mo le silia ma le 30 tausaga, faavaeina ni nai kamupani o polokalama [komepiuta] faamanuiaina. I le taimi nei, o ia o se paaga i le SageCreek Partners, o se kamupani o tekinolosi i Alpine, Iuta.

Na faaipoipo Brother Newman ia Lucia Price i le Malumalu o Oakland Kalefonia i le aso 18 o Aokuso, 1984. O i laua o ni matua o se fanau e toaono ma e nonofo i Elk Ridge, Iuta.

Na auauna atu Brother Newman o se peresitene o se siteki, epikopo, peresitene o Alii Talavou o se uarota, Taitai Sikauti, ma se tagata faigaluega o le malumalu. Mai le 2006 i le 2009, na ia auauna atu o se peresitene o le Misiona a Nebraska Omaha.